പത്തനംതിട്ട: മലയാലപ്പുഴയില്‍ പിടിയിലായ മന്ത്രവാദിനി ശോഭന(വാസന്തിയമ്മ)യുടെ ക്രൂരതയുടെ ദൃശ്യം പുറത്ത്. സ്ത്രീയുടെ മുടിക്ക് കുത്തിപ്പിടിച്ച് മര്‍ദിക്കുന്നത് ദൃശ്യങ്ങളില്‍ കാണാം. മര്‍ദനമേറ്റ സ്ത്രീയെ കണ്ടെത്താന്‍ പോലീസ് അന്വേഷണം തുടങ്ങി.
വീഡിയോയിലെ സംഭവങ്ങള്‍ മാസങ്ങള്‍ക്കു മുന്‍പ് നടന്നതായിരിക്കാം എന്നാണു കരുതുന്നത്. കഴിഞ്ഞ ദിവസം മന്ത്രവാദിനിയെ അറസ്റ്റ് ചെയ്തതിനു പിന്നാലെയാണ് വീഡിയോ പുറത്തുവന്നത്. പൂജയ്ക്കു വേണ്ടിയെത്തിയ ആരോ പകര്‍ത്തിയ ദൃശ്യങ്ങളാണെന്നാണു കരുതുന്നത്.
ബാധയേറ്റു എന്നു പറഞ്ഞു കൊണ്ടുവന്ന സ്ത്രീയുടെ മുടിക്ക് കുത്തിപ്പിടിച്ച് മര്‍ദിക്കുകയാണ് മന്ത്രവാദിനി ചെയ്തത്. മന്ത്രവാദം നടന്ന വീട്ടില്‍നിന്ന് രാത്രി പെണ്‍കുട്ടികളുടെ കരച്ചില്‍ കേള്‍ക്കാറുണ്ടെന്ന് അയല്‍ക്കാരും പറയുന്നു. ഇവര്‍ക്ക് ആളെയെത്തിച്ചു കൊടുക്കാന്‍ മലയാലപ്പുഴ കേന്ദ്രീകരിച്ച് ഏജന്റുമാരുണ്ടെന്നും പറയപ്പെടുന്നു.
ഇലന്തൂര്‍ സംഭവത്തിന്‍െ്‌റ പശ്ചാത്തലത്തിലാണ് സമീപ പ്രദേശമായ മലയാലപ്പുഴയിലും മന്ത്രവാദിനിക്കെതിരേ നാട്ടുകാര്‍ തിരിഞ്ഞത്. ശോഭനയെന്ന വാസന്തിയമ്മയുടെ ‘മഠം’ കഴിഞ്ഞ ദിവസം യുവജന സംഘടനകളുടെ നേതൃത്വത്തില്‍ അടിച്ചു തകര്‍ത്തിരുന്നു.
