പ്രേക്ഷകർ ആകാംക്ഷയോടെ കാത്തിരിക്കുന്ന മോഹൻലാൽ ചിത്രം ‘മോൺസ്റ്റർ’ ഒക്ടോബർ 21 ന് പ്രദർശനത്തിനെത്തുന്നു.’ മരയ്ക്കാറി’നു ശേഷം ഒരു മോഹൻലാൽ ചിത്രം തിയേറ്ററുകളിലെത്തുന്ന ആവേശത്തിലാണ് ആരാധകരും പ്രേക്ഷകരും.
മഹാവിജയം നേടിയ ‘പുലി മുരുക’നു ശേഷം വൈശാഖ് – ഉദയ് കൃഷ്ണ – മോഹൻ ലാൽ ടീമിൻ്റെ ചിത്രമെന്ന നിലയിലും ഈ ചിത്രത്തിന് ഏറെ പ്രസക്തിയുണ്ട്
പുലിമുരുകൻ ഒരു മാസ് ചിത്രമായിരുന്നു. എന്നാൽ അത്തരത്തിലൊരു ചിത്രമല്ല, പൂർണ്ണമായും ഒരു ക്രൈം ത്രില്ലർ ചിത്രമാണ് മോൺസ്റ്റർ.
സസ്പെൻസും ദുരൂഹതകളും കോർത്തിണക്കി ഒരുക്കുന്ന ഈ ചിത്രം പ്രേക്ഷകരുടെ പ്രതീക്ഷിക്കൊത്തുയരും എന്നു തന്നെ വിശ്വസിക്കാം.
‘മോൺസ്റ്റർ’ എന്നാൽ രാഷസൻ എന്നാണ്.
ഇവിടെ രാഷസ സ്വഭാവം ഏതൊക്കെ നിലയിലാണ് പ്രകടിപ്പിക്കുന്നതെന്ന് കണ്ടറിയാം.
മികച്ച സാങ്കേതിക വിദ്യയുടെ പിൻബലത്തോടെ എത്തുന്ന ഈ ചിത്രം പ്രേക്ഷകർക്ക് ഒരു ഹൈവോൾട്ടേജ് തന്നെ ആയിരിക്കും.
മോഹൻലാൽ എന്ന നടൻ്റെ അഭിനയ സിദ്ധികളെ അനായാസേന ഉപയോഗിച്ചു കൊണ്ടുള്ള ചിത്രമാണ് മോൺസ്റ്റർ.
സുദേവ് നായർ, സിദ്ദിഖ്, ജോണി ആൻ്റണി, കൈലാഷ്, ഗണേഷ് കുമാർ, ബിജു പപ്പൻ, ഹണി റോസ്, ലഷ്മി മഞ്ജു, സാസ്വികാ, എന്നിവരും പ്രധാന താരങ്ങളാണ്.
ഹരി നാരായണൻ്റെ വരികൾക്ക് ദീപക് ദേവ് ഈണം പകർന്നിരിക്കുന്നു.
സതീഷ് ക്കുറുപ്പ് ഛായാഗ്രഹണവും ഷമീർ മുഹമ്മദ് എഡിറ്റിംഗും നിർവ്വഹിക്കുന്നു.
ചീഫ് അസ്സോസ്സിയേറ്റ് ഡയറക്ടേർസ് – രാജേഷ് ആർ.കൃഷ്ണൻ, സിറാജ്കല്ല,
ഫിനാൻസ് കൺട്രോളർ- മനോഹരൻ.കെ.പയ്യന്നൂർ.
പ്രൊഡക്ഷൻ എക്സിക്കുട്ടീവ്സ് – നന്ദു പൊതുവാൾ, സജി.സി ജോസഫ്.
പ്രൊഡക്ഷൻ കൺട്രോളർ-സിദ്ദു പനയ്ക്കൽ.
വാർത്ത: വാഴൂർ ജോസ്.
ഫോട്ടോ: ബന്നറ്റ്.
