കോഴിക്കോട് : ചെറുവണ്ണൂർ ഗ്രാമപഞ്ചായത്ത് പ്രസിഡന്റും സിപിഐ പ്രവർത്തകയുമായ ആവള കുട്ടോത്ത് ഇയ്യത്തറേമ്മൽ ഇ.ടി. രാധ (55) അന്തരിച്ചു. മെഡിക്കൽ കോളജ് ആശുപത്രിയിൽ ചികിത്സയിലിരിക്കെ വൈകിട്ടായിരുന്നു അന്ത്യം. ആശാ വർക്കറായി ജോലി ചെയ്യുന്നതിനിടയിലാണ് കക്കറമുക്ക് വാർഡിൽ നിന്നും രാധ പഞ്ചായത്തിലേക്ക് മത്സരിക്കുന്നതും പ്രസിഡന്റാവുന്നതും. കോഴിക്കോട് ജില്ലയിലെ സിപിഐയുടെ ഏക പഞ്ചായത്ത് പ്രസിഡന്റായിരുന്നു രാധ. പരേതനായ കുഞ്ഞരിയന്റെയും ജാനുവിന്റെയും മകളാണ്.
