ബംഗളൂരു: നവരാത്രി ആഘോഷവുമായി ബന്ധപ്പെട്ട് യശ്വന്ത്പുരയില്‍ നിന്ന് കണ്ണൂരിലേക്ക് സ്പെഷല്‍ ട്രെയിന്‍ ഓടിക്കുമെന്ന് ദക്ഷിണ പശ്ചിമ റെയില്‍വേ അറിയിച്ചു.
വിജയദശമി ദിനമായ ഒക്ടോബര്‍ അഞ്ചിനാണ് യശ്വന്ത്പുര-കണ്ണൂര്‍ സ്പെഷല്‍ എക്സ്പ്രസ് (06283) സര്‍വിസ് നടത്തുക.
രാവിലെ 7.10ന് യശ്വന്ത്പുര സ്റ്റേഷനില്‍ നിന്ന് പുറപ്പെട്ട് രാത്രി 8.30ന് കണ്ണൂരിലെത്തും. പാലക്കാട്, ഒറ്റപ്പാലം, ഷൊര്‍ണൂര്‍, തിരൂര്‍, കോഴിക്കോട്, വടകര, തലശേരി സ്റ്റേഷനുകളില്‍ സ്റ്റോപ്പ് ഉണ്ടാകും.
