ഇടുക്കി :ശക്തമായ മ‍ഴയിൽ ഇടുക്കിയിൽ വ്യാപകമായ നാശനഷ്ടങ്ങൾ.
റെഡ്‌ അലര്‍ട്ട്‌ പ്രഖ്യാപിച്ചിട്ടുള്ള ഇടുക്കിയില്‍ ഇടവിട്ടുള്ള ശക്തമായ മഴ തുടരുകയാണ്‌. വട്ടവട കാന്തല്ലൂര്‍ മേഖലകളില്‍ റോഡ്‌ തകര്‍ന്ന്‌ പല ഗ്രാമങ്ങളും ഒറ്റപ്പെട്ടു.
വ്യാപക കൃഷിനാശവുമുണ്ടായി. പ്രദേശത്ത്‌ അപകടഭീഷണി നേരിടുന്ന വീടുകളില്‍ നിന്നും ആളുകളെ മാറ്റിപ്പാര്‍പ്പിച്ചു.ശക്തമായ മഴയില്‍ കുമളി ടൗണില്‍ വെള്ളം കയറി.
മഴ ശക്തമാകുന്ന സാഹചര്യത്തില്‍ ജില്ലാ ഭരണകൂടം വീണ്ടും ജാഗ്രതാനിര്‍ദേശം പുറത്തിറക്കിയിട്ടുണ്ട്.
