വൈക്കം: മത്സ്യ കര്‍ഷകനെ കൃഷിയിടത്തിന് സമീപത്തെ ജലാശയത്തില്‍ മരിച്ച നിലയില്‍ കണ്ടെത്തി. വൈക്കം തലയാഴം കൊതവ റ മണ്ണക്കാട്ടുതറ എം.ഒ. വര്‍ഗീസാ (62,മാമച്ചന്‍ റിട്ട.കെ എസ് ആര്‍ ടി സി)ണ് മരിച്ചത്. കൊത വറ സെന്റ് സേവ്യേഴ്‌സ് കോളേജിന് തെക്കു കോളേജിനു തെക്കുഭാഗത്ത് വേമ്പനാട്ടുകായലിനോടുചേര്‍ന്ന ജലാശയത്തില്‍ വര്‍ഗീസ് വര്‍ഷങ്ങളായി മല്‍ സ്യം വളര്‍ത്തി വരികയാണ്.
ഇന്നലെ രാവിലെ പുതിയതായി വീടു നിര്‍മ്മിക്കുന്നതിനായി ഉത്രാട നാളിന്‍ കല്ലിടുന്നതിന് സമയം കുറിക്കുന്നതിന് പള്ളിയിലെത്തി വൈദീകനെ കണ്ടിരുന്നു. പള്ളിയില്‍ നിന്ന് വീട്ടിലെത്തിയ ശേഷം കൃഷിയിടത്തിലേക്ക് പോയി. സാധാരണ വീട്ടിലെത്തുന്ന സമയം കഴിഞ്ഞിട്ടും കാണാതെ വന്നതോടെ രാവില 11.30 യോടെ ബന്ധുക്കള്‍ അന്വേഷിച്ചിറങ്ങി. ഉച്ച കഴിഞ്ഞ് 3.45 ഓടെ മീന്‍ വളര്‍ത്തല്‍ കേന്ദ്രത്തിനു സമീപത്തെ വെള്ളക്കുഴിയില്‍ ഇദ്ദേഹത്തെ വീണു കിടക്കുന്ന നിലയില്‍ കണ്ടെത്തുകയായിരുന്നു. ഉടന്‍ താലൂക്ക് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
ഹൃദയാഘാതമുണ്ടായി കുഴഞ്ഞു ജലാശയത്തില്‍ വീണതാകാമെന്ന് കരുതപ്പെടുന്നു. കെ എസ് ആര്‍ ടി സി യില്‍ ഡ്രൈവറായിരുന്ന വര്‍ഗീസ് വിരമിച്ച ശേഷം മല്‍സ്യകൃഷിയില്‍ വ്യാപൃതനാകുകയായിരുന്നു. ഭാര്യ: ഡയാന. മക്കള്‍: അനറ്റ് (യു കെ ) അരുണ്‍. മരുമകന്‍ വര്‍ഗീസ് (യു കെ ) വൈക്കം പോലിസ് മേല്‍ നടപടി സ്വീകരിച്ചു.
