ഗോവ മെഡിക്കല്‍ കോളേജില്‍വച്ചാണ് പോസ്റ്റ്‌മോര്‍ട്ടം നടക്കുക.മരണകാരണം ഹൃദയാഘാതമാണെന്നാണ് ഗോവ പൊലീസ് പറയുന്നത്. അതേസമയം, സൊനാലിയുടെ മരണത്തില്‍ ദുരൂഹതയുണ്ടെന്ന് കുടുംബം ആരോപിച്ചു. സി ബി ഐ അന്വേഷിക്കണമെന്നും ബന്ധുക്കള്‍ ആവശ്യപ്പെട്ടു.
‘മരിക്കുന്നതിന് മണിക്കൂറുകള്‍ക്ക് മുമ്ബ് അവള്‍ എന്നെ വിളിച്ചു. വാട്‌സാപ്പില്‍ സംസാരിക്കണമെന്ന് പറഞ്ഞു, എന്തോ കുഴപ്പം നടക്കുന്നുണ്ടെന്ന് പറഞ്ഞിരുന്നു. പെട്ടെന്ന് ഫോണ്‍വച്ചു. വിളിച്ചിട്ട് പിന്നെ എടുത്തില്ല.’- സഹോദരി ഒരു വാര്‍ത്താ ഏജന്‍സിയോട് പറഞ്ഞു.
ഹരിയാനയിലെ ആദംപൂര്‍ മണ്ഡലത്തിലെ ഉപതിരഞ്ഞെടുപ്പില്‍ സ്ഥാനാര്‍ത്ഥിയാകുമെന്ന അഭ്യൂഹങ്ങള്‍ക്കിടെയാണ് സൊനാലിയുടെ മരണം സംഭവിച്ചത്. 2019ലെ തിരഞ്ഞെടുപ്പില്‍ കോണ്‍ഗ്രസ് നേതാവ് കുല്‍ദീപ് ബിഷ്ണോയിയോട് മത്സരിച്ചെങ്കിലും പരാജയപ്പെട്ടിരുന്നു.
2020ലെ ബിഗ് ബോസ് റിയാലിറ്റി ഷോ താരമായിരുന്നു. 2016 ല്‍ ഏക് മാ ജോ ലാഖോന്‍ കെ ലിയേ ബാനി അമ്മ എന്ന ടി വി സീരിയലിലൂടെയാണ് അഭിനയ രംഗത്തെത്തിയത്. ഭര്‍ത്താവ് സഞ്ജയ് ഫോഗട്ട് 2016 ഡിസംബറില്‍ ദുരൂഹ സാഹചര്യത്തില്‍ മരിച്ചു. മകള്‍ യശോധര ഫോഗട്ട്.
