സ്വന്തം വിവാഹമോചന വാര്‍ത്ത സ്ഥിരീകരിച്ച്‌ ഗായകന്‍ വിജയ് യേശുദാസ്. ഒരു മലയാളം ചാനലില്‍ അതിഥിയായി പങ്കെടുത്തപ്പോഴാണ് വിജയ് തൻ്റെ ദാമ്പത്യ ജീവിതത്തിലെ അന്തഛിദ്രത്തെക്കുറിച്ച്‌ മനസ്സ് തുറന്നത്. വിജയ് യേശുദാസും ദര്‍ശനയും വിവാഹമോചിതരായി എന്ന് വാര്‍ത്തകള്‍ പ്രചരിച്ചിരുന്നു. പക്ഷേ വിജയ് പൊതുവേദിയിൽ തുറന്നു പറയുവോളം ഇരുവരും മൗനം പാലിക്കുകയായിരുന്നു.
“പ്രണയിച്ച്‌ വിവാഹിതരായവരാണ് ദര്‍ശനയും ഞാനും. വിവാഹജീവിതത്തില്‍ താളപ്പിഴകള്‍ സംഭവിച്ചിട്ടുണ്ട്. എത് എന്റെ വ്യക്തിജീവിതത്തെ കുറച്ചൊക്കെ ബാധിക്കുകയും ചെയ്തു. എന്നാൽ അതെല്ലാം അതിന്റെ രീതിയില്‍ അങ്ങനെ മുന്നോട്ടു പോവുകയാണ്. മക്കളുടെ കാര്യത്തില്‍ അച്ഛന്‍, അമ്മ എന്ന നിലയില്‍ ഞങ്ങള്‍ എപ്പോഴും ഒരുമിച്ചായിരിക്കും ചുമതലകള്‍ നിര്‍വ്വഹിക്കുക…”
മ
“പക്ഷെ, കുടുംബാംഗങ്ങള്‍ അതിനെ വളരെ സെന്‍സിറ്റീവായാണ് കാണുന്നത്. പിന്തുണ കിട്ടാറുമില്ല. അത് അവരുടെ വിഷമം കൊണ്ടാണ്. അതുകൊണ്ടൊക്കെ വളരെ ഹിഡണായി മുന്നോട്ടു പോവുകയാണ് ഇക്കാര്യം…”
2002-ല്‍ ഒരു പ്രണയദിനത്തില്‍ ഷാര്‍ജയില്‍ നടന്ന ഒരു സംഗീതവിരുന്നിലാണ് വിജയ്യും ദര്‍ശനയും കണ്ടുമുട്ടിയത്. 2007 ജനുവരി 21-ന് ആയിരുന്നു ഇരുവരുടെയും വിവാഹം
