ഈറോഡ്: തമിഴ്നാട് തദ്ദേശ തെരഞ്ഞെടുപ്പ് ഫലങ്ങള്‍ പുറത്തുവന്നപ്പോള്‍ ബിജെപി സ്ഥാനാര്‍ത്ഥിക്ക് ലഭിച്ചത് ഒരു വോട്ട്.ഈറോഡ് ജില്ലയിലെ ഭവാനിസാഗര്‍ ടൗണ്‍ പഞ്ചായത്തിലെ പതിനൊന്നാം വാര്‍ഡില്‍ മത്സരിച്ച ബിജെപി സ്ഥാനാര്‍ത്ഥി നരേന്ദ്രനാണ് ഒരു വോട്ട് ലഭിച്ചത്.
‘സ്വന്തം കുടുംബത്തിലുളളവര്‍ പോലും തനിക്ക് വോട്ട് തന്നില്ലെന്ന് നരേന്ദ്രന്‍ മാധ്യമ പ്രവര്‍ത്തകരോട് പറഞ്ഞു. തന്റെ കുടുംബാംഗങ്ങളോ, പാര്‍ട്ടിയംഗങ്ങളോ, സുഹൃത്തുക്കളോ തനിക്ക് വോട്ട് ചെയ്തില്ല. വോട്ട് ചെയ്യാമെന്ന് പറഞ്ഞ് പലരും തന്നെ വഞ്ചിച്ചുവെന്നും നരേന്ദ്രന്‍ മാധ്യമങ്ങളോട് പറഞ്ഞു.
