കൊടുങ്ങല്ലൂര്‍- ഇടപ്പള്ളി ദേശീയപാത വികസനത്തിന് ടെന്‍ഡര്‍ ആയതോടെ
പൊളിഞ്ഞത് സംസ്ഥാന വികസനത്തിന് പാരവെച്ച ബിജെപിയുടെ കുതന്ത്രം. ദേശീയപാതാ വികസനത്തിനായുള്ള സംസ്ഥാനത്തെ ഭൂമി ഏറ്റെടുക്കല്‍ നിര്ത്തിവയ്ക്കണമെന്നാവശ്യപ്പെ
പദ്ധതി 2020ല്‍ തന്നെ പൂര്‍ത്തീകരിക്കാന്‍ യുദ്ധകാലാടിസ്ഥാനത്തിനുള്ള നടപടികളാണ് എല്‍ഡിഎഫ് സര്‍ക്കാര്‍ കൈക്കൊണ്ടിരുന്നത്. ഇതിനിടയിലാണ് ബിജെപി സംസ്ഥാന നേതൃത്വം പരാതിയുമായി പോയത്. ഭൂമി ഏറ്റെടുക്കലുമായി ബന്ധപ്പെട്ട പ്രതിഷേധങ്ങളെ തുടര്‍ന്ന് 2013-ല്‍ യുഡിഎഫ് സര്‍ക്കാര്‍ ദേശീയപാതാവികസന പദ്ധതി ഉപേക്ഷിച്ചതാണ്. എല്‍ഡിഎഫ് വന്ന ശേഷം ഭൂമി നഷ്ടപ്പെടുന്നവരുടെ പ്രശ്‌നങ്ങൾക്കൂടി കണക്കിലെടുത്താണ് നടപടികളുമായി മുന്നോട്ടുപോയത്. ദശാബ്ദങ്ങളായി പരിഹരിക്കാന്‍ കഴിയാത്ത തര്‍ക്കം തീര്‍പ്പാക്കി ഭൂമി ഏറ്റെടുക്കുന്നതിനെ അന്ന് ചില ന്യൂനപക്ഷ സംഘടനകളും എതിര്‍ത്തിരുന്നു. പി എസ് ശ്രീധരന്‍പിള്ള കൂടി രംഗത്ത് വന്നതോടെ പദ്ധതി തടയാന്‍ സംഘപരിവാറും ലക്ഷ്യമിട്ടിരുന്നുവെന്ന് വ്യക്തമായി.
രണ്ടാം പിണറായി സര്‍ക്കാര്‍ അധികാരത്തിലെത്തിയശേഷം ഒക്ടോബറില്‍ പൊതുമരാമത്ത് വകുപ്പ് മന്ത്രി പി എ മുഹമ്മദ് റിയാസ് കേന്ദ്ര ഗതാഗത മന്ത്രി നിതിന്‍ ഗഡ്കരിയുമായി നടത്തിയ കൂടിക്കാഴ്ചയില്‍ പദ്ധതിക്കായി 3465.82 കോടി രൂപ അനുവദിച്ചു. 25.15 കിലോമീറ്റര്‍ ആറുവരിപ്പാതയാക്കാനാണ് അനുവദിച്ചിട്ടുള്ളത്. ഇതിന് 144.64 ഹെക്ടര്‍ ഏറ്റെടുക്കണം. ഇതില്‍ 25 ശതമാനം തുക സംസ്ഥാനം വഹിക്കും. കൊടുങ്ങല്ലൂര്‍- ഇടപ്പള്ളി ദേശീയപാത വികസനത്തിന് ഓറിയന്റല്‍ പ്രൈവറ്റ് ലിമിറ്റഡിനാണ് ടെന്‍ഡര്‍ ലഭിച്ചത്.
