KeralaLead NewsNEWS

മല്ലപ്പളളിയിലെ ചായക്കടയില്‍ സ്‌ഫോടനം; 2 പേര്‍ക്ക് ഗുരുതര പരിക്ക്‌

പത്തനംതിട്ട: മല്ലപ്പളളിയിലെ ചായക്കടയില്‍ സ്‌ഫോടനം. രണ്ടുപേര്‍ക്ക് ഗുരുതരമായി പരിക്കേറ്റു. ചായകുടിക്കാനെത്തിയ വേലൂര്‍ സണ്ണി ചാക്കോ (64), എലിമുള്ളില്‍ ബേബിച്ചന്‍ (72) എന്നിവര്‍ക്കാണ് പരുക്കേറ്റത്. രണ്ടുപേരെയും കോട്ടയം മെഡിക്കല്‍ കോളജില്‍ പ്രവേശിപ്പിച്ചു.

ഇന്നുരാവിലെ എട്ടുമണിയോടെ ആനിക്കാട് പിടന്നപ്ലാവില്‍ കൊച്ചുമാക്കല്‍ ബഷീര്‍ എന്നയാളിന്റെ കടയില്‍ യാണ് സ്‌ഫോടനമുണ്ടായത്. പാറ പൊട്ടിക്കാനുപയോഗിക്കുന്ന തോട്ട പൊട്ടിയതാണെന്നാണ് സൂചന. അതേസമയം, കടയില്‍ സൂക്ഷിച്ചിരുന്നതല്ല സ്‌ഫോടകവസ്തു എന്നാണു പൊലീസ് നിഗമനം. കടയിലെത്തിയ ആരുടെയോ പക്കല്‍ ഉണ്ടായിരുന്നതാണിത് എന്നു പൊലീസ് പറയുന്നു.

എട്ടുപേരോളം ഈ സമയത്തു കടയിലുണ്ടായിരുന്നു. പരുക്കേറ്റവരില്‍ ഒരാള്‍ പാറപൊട്ടിക്കല്‍ തൊഴിലാളിയാണെന്നും അതിനായി കരുതിയ തോട്ടയായിരിക്കാം പൊട്ടിയതെന്നും പൊലീസ് അറിയിച്ചു. തിരുവല്ല ഡിവൈഎസ്പി രാജപ്പന്‍ റാവുത്തരുടെ നേതൃത്വത്തിലുള്ള പൊലീസ് സംഘം സ്ഥലത്തെത്തി പരിശോധന നടത്തി. തുടരന്വേഷണം പുരോഗമിക്കുന്നു.

Back to top button
error: