വിവാദ കർഷക നിയമത്തെ ചോദ്യം ചെയ്ത് പ്രക്ഷോഭ രംഗത്തുള്ള കർഷകരെ നേരിട്ട് ചർച്ചയ്ക്ക് വിളിച്ച് കേന്ദ്ര ആഭ്യന്തര മന്ത്രി അമിത് ഷാ. ചൊവ്വാഴ്ച വൈകിട്ട് ഏഴിനാണ് ചർച്ച. ഡൽഹിയിൽ സമരം ചെയ്തുകൊണ്ടിരിക്കുന്ന കർഷക നേതാവ് രാകേഷ് ടിക്കായത്തിനോടാണ് ചർച്ചയുടെ ക്ഷണം അറിയിച്ചിട്ടുള്ളത്.
7 സംഘടനകളെ മാത്രമാണ് ചർച്ചയ്ക്ക് വിളിച്ചിച്ചിട്ടുള്ളത്. ഇത് കർഷകരെ ഭിന്നിപ്പിക്കാൻ ആണോ എന്ന സംശയം കർഷകസംഘടനകൾക്ക് ഉണ്ട്‌.
3 കാർഷിക നിയമങ്ങളും പിൻവലിക്കാതെ പ്രക്ഷോഭം അവസാനിപ്പിക്കില്ല എന്ന നിലപാടിൽ തന്നെയാണ് കർഷക സംഘടനകൾ. എന്നാൽ നിയമങ്ങൾ പിൻവലിക്കില്ലെന്ന് കൃഷിമന്ത്രി നരേന്ദ്ര സിംഗ് തോമർ പറഞ്ഞു. ഭേദഗതി ആകാമെന്നാണ് കേന്ദ്രസർക്കാരിന്റെ നിലപാട്.
