സർക്കാരും പ്രക്ഷോഭ രംഗത്തുള്ള കർഷകരും തമ്മിലുള്ള ചർച്ച അലസിപ്പിരിഞ്ഞു .കാർഷിക നിയമങ്ങൾ പിൻവലിക്കണം എന്ന നിലപാടിൽ നിന്ന് പിന്നോട്ടില്ലെന്ന് കർഷകർ .അറിയാം 10 കാര്യങ്ങൾ .
1 .അഞ്ചാം വട്ട ചർച്ചയും പരാജയപ്പെട്ടു .സർക്കാരിന്റെ പ്രതിലോമകരമായ നിലപാടിൽ പ്രതിഷേധിച്ച് ചർച്ചയിൽ കർഷകർ മൗനവ്രതം ആചരിച്ചു .
2 . സർക്കാർ ചോദ്യങ്ങൾക്ക് യെസ് അല്ലെങ്കിൽ നോ എന്ന് രേഖപ്പെടുത്തിയ പ്ലക്കാർഡുകൾ ഉയർത്തിപ്പിടിച്ചാണ് കർഷകർ മറുപടി നൽകിയത് .
3 .ഡിസംബർ 9 ന് ആറാം വട്ട ചർച്ച .തീരുമാനങ്ങൾ കൈക്കൊള്ളാൻ സമയം വേണമെന്ന് സർക്കാർ.
4 .ചർച്ചയ്ക്ക് വീണ്ടും തയ്യാർ എന്ന് കർഷകർ .എന്നാൽ 3 നിയമങ്ങളും പിൻവലിക്കാതെ പ്രക്ഷോഭം പിൻവലിക്കില്ല .
5 .കർഷകരെ കേൾക്കാൻ തയ്യാറെന്നു കൃഷിമന്ത്രി നരേന്ദ്ര സിങ് തോമർ .കൂട്ടികളെയും പ്രായമായവരെയും വീടുകളിലേക്ക് അയക്കണമെന്ന് അഭ്യർത്ഥന .
6 .ഡിസംബർ 8 ലെ ഭാരത് ബന്ദുമായി മുന്നോട്ടെന്ന് കർഷകർ .
7 .വിവിധ സംസ്ഥാനങ്ങളിൽ പ്രതിഷേധവുമായി പ്രതിപക്ഷ പാർട്ടികൾ .
8 .കർഷകർക്ക് പിന്തുണയുമായി കായിക താരങ്ങളും .പദ്‌മശ്രീ,അർജുന അവാർഡുകൾ തിരിച്ചുനൽകാൻ പുരസ്‌കാര ജേതാക്കൾ .
9 .കർഷകരെ പിന്തുണച്ച് ഐക്യരാഷ്ട്ര സഭ . സമാധാനമായി പ്രതിഷേധിക്കാൻ ആർക്കും അധികാരമുണ്ടെന്ന് യു എൻ .
10 .കർഷകരെ പിന്തുണച്ച് വിദേശത്ത് നിന്ന് ജനപ്രതിനിധികൾ .കർഷകർക്ക് നീതി ലഭ്യമാക്കണമെന്ന് കാനഡയിലും ബ്രിട്ടനിലുമുള്ള ജനപ്രതിനിധികൾ .
