NEWS

തദ്ദേശ സ്വയംഭരണ തെരഞ്ഞെടുപ്പ്: കെപിസിസി അദ്ധ്യക്ഷന്റെ മാ‍ർഗ്ഗനി‍ർദ്ദേശങ്ങൾ

ഞ്ചായത്ത് തെരഞ്ഞെടുപ്പിനുള്ള സ്ഥാനാ‍ർത്ഥി നി‍ർണ്ണയത്തിനായി കെ.പി.സി.സി അദ്ധ്യക്ഷൻ മുല്ലപ്പള്ളി രാമചന്ദ്രൻ മാ‍ർഗ്ഗനി‍ർദ്ദേശം പുറപ്പെടുവിച്ചു. അൻപത് ശതമാനം വനിതാ സംവരണം ഉള്ളതിനാൽ ജനറൽ സീറ്റുകളിൽ വനിതകൾ മത്സരിക്കുന്ന സാഹചര്യം പരമാവധി ഒഴിവാക്കണം.

രാഷ്ട്രീയേതര ക്രിമിനൽ കേസ്സുകളിൽ പ്രതികളായവരെയും അഴിമതി ആരോപണങ്ങൾ നേരിടുന്നവരേയും മത്സരിക്കാൻ അനുവദിക്കരുതെന്നും കെ.പി.സി.സി നി‍ർദ്ദേശിക്കുന്നു. ഇത്തരം ആളുകൾ സ്ഥാന‍ാർത്ഥികളായാൽ സ്ഥാനാർത്ഥി നിർണ്ണയത്തിനായി ചുമതലപ്പെടുത്തിയ സബ് കമ്മിറ്റിയുടെ പേരിൽ നടപടിയെടുക്കുമെന്നും കെപിസിസി അദ്ധ്യക്ഷൻ മുന്നറിയിപ്പ് നൽകിയിട്ടുണ്ട്.

ഒരേ വാർഡിൽ ഭാര്യയും ഭർത്താവും മാറി മാറി മത്സരിക്കുന്ന സാഹചര്യം പരമാവധി ഒഴിവാക്കണമെന്നും കഴിഞ്ഞ തെരഞ്ഞെടുപ്പിൽ റിബലായി മത്സരിച്ചവരെ സ്ഥാനാർത്ഥികളായി പരി​ഗണിക്കരുതെന്നും നി‍ർദ്ദേശത്തിലുണ്ട്. ത്രിതല പഞ്ചായത്ത് നഗരസഭാ അദ്ധ്യക്ഷൻമാരായി തെരഞ്ഞെടുക്കപ്പെടുന്നവർ പാർട്ടി ഭാരവാഹിത്വം രാജിവയ്ക്കണം. പാർട്ടി അംഗത്വമോ പോഷക സംഘടന അംഗത്വമോ ഉള്ളവരെ വേണം സ്ഥാനാർത്ഥികളാക്കാൻ.

പാർട്ടിക്ക് വിധേയനായി പ്രവർത്തിക്കുമെന്ന് സ്ഥാനാർത്ഥികൾ സാക്ഷ്യപത്രം നൽകണമെന്നും കെപിസിസി അധ്യക്ഷൻ്റെ മാ‍ർഗ്ഗനി‍ർദ്ദേശത്തിൽ പറയുന്നു.

Related Articles

Leave a Reply

Your email address will not be published. Required fields are marked *

Back to top button