രാജ്യത്ത്‌ കോവിഡ് ബാധിതരുടെ എണ്ണം 20 ലക്ഷം കടന്നു

ന്യൂഡല്‍ഹി: രാജ്യത്ത്‌ കോവിഡ് ബാധിതരുടെ എണ്ണം 20 ലക്ഷം കടന്നു. പുതുതായി രോഗം സ്ഥിരീകരിച്ചത് 62,538 പേര്‍ക്കാണ് . ഇതുവരെയുള്ളതിലെ ഏറ്റവും വലിയ പ്രതിദിന വര്‍ധനയാണിത്. ഇതോടെ രാജ്യത്തെ ആകെ കോവിഡ് ബാധിതരുടെ എണ്ണം 20,27,075 ആയി ഉയര്‍ന്നു.

ഇതില്‍ 6,07,384 എണ്ണം ആക്ടീവ് കേസുകളാണ്. 13,78,106 പേര് രോഗമുക്തി നേടി. ഇതുവരെ 41,585 പേരാണ് കോവിഡ് ബാധിച്ച് മരിച്ചതെന്ന് കേന്ദ്ര ആരോഗ്യ മന്ത്രാലയം അറിയിച്ചു.

ഓഗസ്റ്റ് ആറുവരെ 2,27,24,134 സാമ്പിളുകളാണ് പരിശോധിച്ചതെന്നും ഇന്നലെ മാത്രം 5,74,783 സാമ്പിളുകള്‍ പരിശോധിച്ചെന്നും ഇന്ത്യന്‍ കൗണ്‍സില്‍ ഫോര്‍ മെഡിക്കല്‍ റിസര്‍ച്ച് അറിയിച്ചു.

നിലവില്‍ രാജ്യത്ത് ഏറ്റവും കൂടുതല്‍ കോവിഡ് ബാധിതരുള്ളത് മഹാരാഷ്ട്രയിലാണ്. തൊട്ടുപിന്നില്‍ തമിഴ്‌നാടും ആന്ധ്രാപ്രദേശുമാണ്. രാജ്യത്തെ കോവിഡ് രോഗമുക്തി നിരക്ക് 67 ശതമാനമാണ്. മരണനിരക്ക് 2.05 ശതമാനവും.

Leave a Reply

Your email address will not be published. Required fields are marked *