തൃശൂര്‍: സൈക്കിള്‍ മരത്തിലിടിച്ചുണ്ടായ അപകടത്തില്‍ പത്താം ക്ലാസ് വിദ്യാര്‍ത്ഥി മരിച്ചു.
മാള എളന്തിക്കര പവ്വര്‍ ഹൗസിന് സമീപം താമസിക്കുന്ന മാടപ്പടി പ്രസീഭരന്റെ മകന്‍ അജയ് (15) ആണ് മരിച്ചത്. ഞായറാഴ്ച രാവിലെയായിരുന്നു അപകടം.
സുഹൃത്ത് അഭിജിത്തിനോടൊപ്പം സൈക്കിളിന്റെ മുന്‍വശത്തിരുന്ന് യാത്ര ചെയ്യുന്നതിനിടെയാണ് അപകടമുണ്ടായത്. റോഡിലെ കയറ്റിറക്കമുള്ള ഭാഗത്ത് എത്തിയപ്പോള്‍ സൈക്കിളിന്റെ ബ്രേക്ക് നഷ്ടപ്പെടുകയും നേരെ റോഡരികിലുള്ള മരത്തില്‍ ഇടിക്കുകയുമായിരുന്നു.
