പാലക്കാട്: അതി മാരക ലഹരിമരുന്നായ എംഡിഎംഎയുമായി യുവാവ്‌ അറസ്‌റ്റില്‍.
സ്വകാര്യ ബസ് മാര്‍ഗം കടത്തിയ 69 ഗ്രാം എംഡിഎംഎയുമായി എറണാകുളം കുന്നത്തുനാട് വേങ്ങൂര്‍ വെസ്‌റ്റ് പാണിയേലി മാനാങ്കുഴി വീട്ടില്‍ ലിജോ (20) ആണ് എക്‌സൈസ് സംഘത്തിന്റെ പിടിയിലായത്.
ഡിജെ പാര്‍ട്ടിക്കായി ബംഗളൂരുവില്‍ നിന്ന്‌ കൊച്ചിയിലേക്ക് കടത്തിയ ലഹരിമരുന്നാണ്‌ പിടിച്ചെടുത്തത്.
ഇയാളില്‍ നിന്ന്‌ ഇലക്‌ട്രിക് ത്രാസും കണ്ടെടുത്തു.
എക്‌സൈസ് ഇന്‍സ്‌പെക്‌ടര്‍മാരായ ഷാജി, എം.സുരേഷ്, പ്രിവന്റീവ് ഓഫീസര്‍മാരായ ബി.ശ്രീജിത്ത്, കെ.പ്രസാദ്, സിവില്‍ എക്‌സൈസ് ഓഫീസര്‍മാരായ ടി.പി പ്രസാദ്, ജിജോയ്, സഹീറലി, അബ്‌ദുള്‍ നവാസ്, ജോബിമോന്‍ എന്നിവര്‍ പരിശോധനയില്‍ പങ്കെടുത്തു. പിടിച്ചെടുത്ത ലഹരിമരുന്നിന്‌ വിപണിയില്‍ രണ്ടു കോടി രൂപ വിലവരുമെന്നും എക്‌സൈസ് ഉദ്യോഗസ്ഥര്‍ അറിയിച്ചു.
