വേനൽക്കാലത്ത് കഴിക്കാൻ പറ്റിയ ഏറ്റവും നല്ല അഞ്ച് പഴങ്ങൾ

ജീവകം സി, ജീവകം എ, ജീവകം ബി 6, പൊട്ടാസ്യം, മഗ്നീഷ്യം, കോപ്പര്‍ തുടങ്ങിയവയെല്ലാം അടങ്ങിയ മാമ്പഴം പോഷകസമ്പുഷ്ടവും ആരോഗ്യപ്രദവുമാണ്.പഴങ്ങളുടെ രാജാവ് എന്ന വിശേഷണം എന്തുകൊണ്ടും അർഹിക്കുന്ന മാമ്പഴം നിരവധി രോഗങ്ങളിൽ നിന്നും നമുക്ക് സംരക്ഷണമേകുന്നു.ദഹനത്തിനു സഹായിക്കുന്നതു മുതൽ അര്‍ബുദം തടയാൻ വരെ  മാമ്പഴത്തിനു കഴിയും അതുകൊണ്ടാണ് വേനൽക്കാലം മാമ്പഴക്കാലം എന്നറിയപ്പെടുന്നതും.

ആരോഗ്യ ഗുണങ്ങളുടെ കലവറയാണ് മൾ‌ബറിപ്പഴങ്ങൾ. ആന്റിഓക്സിഡന്റായ ആന്തോസയാനിൻ, അർബുദം പ്രതിരോധിക്കുന്ന റെസ്‌വെറാട്രോൾ എന്നിവയെല്ലാം മൾബറിയിലുണ്ട്.ജീവകം സി ധാരാളം അടങ്ങിയ മൾബറി ദഹനത്തിനും സഹായകം.

ഇരുമ്പ്, കാൽസ്യം, ജീവകം സി ഇവ ധാരാളമായി അടങ്ങിയ ഞാവൽപ്പഴം വേൽക്കാലത്തു കഴിക്കാൻ പറ്റിയ ഏറ്റവും നല്ല പഴമാണ്.രോഗപ്രതിരോധ ശക്തി വർധിപ്പിക്കാനും  നേത്രാരോഗ്യത്തിനും  ഹൃദയാരോഗ്യത്തിനും ഞാവൽപ്പഴം മികച്ചതു തന്നെ.

മസ്ക് മെലൺ എന്നും ഷമാം എന്നും അറിയപ്പെടുന്ന തയ്ക്കുമ്പളം  വേനൽക്കാലത്തു കഴിക്കാൻ പറ്റിയ മറ്റൊരു പഴമാണ്. ജീവകം സി ധാരാളം അടങ്ങിയ തയ്ക്കുമ്പളം സാലഡിൽ ചേർത്തും ഷേക്ക് രൂപത്തിലും കഴിക്കാം.