കുമളി: മൂന്നു വയസുകാരിയെ പീഡിപ്പിച്ചെന്ന കേസില്‍ 73 വയസുകാരനെ കുമളി പോലീസ്‌ അറസ്‌റ്റ്‌ ചെയ്‌തു. ആനവിലാസം ശാസ്‌താംനട സ്വദേശി മുത്തുരാജ(73)യാണ്‌ അറസ്‌റ്റിലായത്‌.
ഒളിവിലായിരുന്ന പ്രതിയെ തമിഴ്‌നാട്ടിലെ തേനിയില്‍നിന്നു പ്രത്യേക അന്വേഷണസംഘം പിടികൂടുകയായിരുന്നു.
കഴിഞ്ഞ 29 നായിരുന്നു കേസിനാസ്‌പദമായ സംഭവം.
കുമളി എസ്‌.എച്ച്‌.ഒ: ജോബിന്‍ ആന്റണിയുടെ നേതൃത്വത്തിലായിരുന്നു അന്വേഷണം. പ്രതിയെ കോടതിയില്‍ ഹാജരാക്കി റിമാന്‍ഡ്‌ ചെയ്‌തു. എസ്‌.ഐമാരായ ജമാല്‍, ടി.എസ്‌. സുബൈര്‍, എ.എസ്‌.ഐ. ജോസ്‌, സി.പി.ഒമാരായ ആര്‍. ഷിജു മോന്‍, സനില്‍ രവി, ശ്രീനാഥ്‌ എന്നിവര്‍ അന്വേഷണത്തില്‍ പങ്കെടുത്തു.
