വൈക്കം: കുപ്രസിദ്ധഗുണ്ടയെ കാപ്പ നിയമപ്രകാരം കരുതൽ തടങ്കലിലാക്കി. വൈക്കം,ടി.വി പുരം, മൂത്തേടത്ത് കാവ് ഭാഗത്ത്, പുന്നമറ്റത്തിൽ വിട്ടിൽ ഹനുമാൻ കണ്ണൻ എന്നു വിളിക്കുന്ന കണ്ണൻ (31) എന്നയാളെയാണ് കാപ്പ നിയമപ്രകാരം കരുതൽ തടങ്കലിൽ ആക്കിയത്. കോട്ടയം ജില്ലാ പോലീസ് മേധാവി കെ. കാർത്തിക്കിന്റെ റിപ്പോർട്ടിന്റെ അടിസ്ഥാനത്തിലാണ് നടപടി.
ഇയാൾ വൈക്കം പോലീസ് സ്റ്റേഷനിൽ കൊലപാതക ശ്രമം, അടിപിടി, അതിക്രമിച്ചുകടക്കൽ, ദേഹോപദ്രവമേല്പിക്കൽ, ഭീഷണിപെടുത്തൽ, ഉൾപെടെ നിരവധി ക്രിമിനൽ കേസുകളിൽ പ്രതിയാണ്. ജനങ്ങളുടെ സ്വൈര്യ ജീവിതത്തിന് തടസ്സം സൃഷ്ടിക്കുന്ന നിരന്തര കുറ്റവാളികൾക്കെതിരെ ശക്തമായ നിയമ നടപടികളാണ് ജില്ലാ പോലീസ് സ്വീകരിച്ചുവരുന്നത്. തുടർന്നും ഇത്തരക്കാർക്കെതിരെ ശക്തമായ നിയമനടപടികൾ സ്വീകരിക്കുമെന്നും ജില്ലാ പോലീസ് മേധാവി പറഞ്ഞു.
