കൊച്ചി:എറണാകുളത്ത് കോൺഗ്രസ് നേതാവിനെ ഹോട്ടലിൽ മരിച്ചനിലയിൽ കണ്ടെത്തി.അങ്കമാലി സഹകരണ ബാങ്ക് പ്രസിഡന്റും കോണ്‍ഗ്രസ് നേതാവുമായ പി ടി പോളിനെയാണ് ആലുവ മഹനാമി ഹോട്ടലിൽ മരിച്ച നിലയില്‍ കണ്ടെത്തിയത്.
പോളിനെ അന്വേഷിച്ച് എത്തിയ സുഹൃത്താണ് മരിച്ചനിലയില്‍ കണ്ടത്. ഉടൻതന്നെ ഹോട്ടല്‍ അധികൃതരെയും പൊലീസിനെയും വിവരം അറിയിച്ചു. വെള്ളിയാഴ്ച ഉച്ചക്ക് 12.30 നാണ് പോൾ ഹോട്ടലിൽ മുറിയെടുത്തത്. മരണകാരണം വ്യക്തമല്ല.
പൊലീസ് നടത്തിയ പരിശോധനയിൽ മുറിക്കുള്ളിൽ നിന്നും ബാഗും മൊബെലും മദ്യക്കുപ്പിയും കണ്ടെത്തി.സംഭവത്തിൽ കൂടുതൽ അന്വേഷണം നടന്നുവരികയാണ്.
