ലഹരി വിളയുന്ന അഫ്ഗാൻ പാടങ്ങൾ; പുകഞ്ഞൊടുങ്ങുന്ന കേരളം

ഇസ്ലാമിന് നിഷിദ്ധമെന്നാണ് പറച്ചിലെങ്കിലും ലോകത്തിലെ ഏറ്റവും വലിയ ലഹരി ഉത്പാദക രാജ്യങ്ങൾ  അഫ്ഗാനും പാക്കിസ്ഥാനും ഇറാനുമെന്ന ഇസ്ലാം രാഷ്ട്രങ്ങൾ തന്നെയാണ്.ഇന്ത്യയിലേക്ക് ലഹരിമരുന്നുകൾ കടത്തുന്നതിനു പിന്നിൽ  അന്നുമിന്നും അഫ്ഗാനും. പാക്കിസ്ഥാനുമായുള്ള പങ്ക് ചെറുതല്ല.

2001ൽ യുഎസ് യുദ്ധത്തിനെത്തുന്നതിനു മുൻപ് ലോകത്തെ കറുപ്പ് ഉത്പാദനത്തിന്റെ 72 ശതമാനവും അഫ്ഗാനിലായിരുന്നു നടന്നിരുന്നത്..പ്രതിവർഷം 36 ലക്ഷം കിലോഗ്രാം കറുപ്പായിരുന്നത്രേ ഇവിടെ ഉത്പാദിപ്പിച്ചുകൊണ്ടിരുന്നത്. ഹെറോയ്ൻ നിർമാണത്തിനും ഇതുപയോഗിക്കുക വഴി ലോകലഹരിമേഖലയുടെ നിർണായകവേദിയായി ഇവിടം മാറി. പ്രവിശ്യകളായ ഹെൽമന്തിലും ബഡാക്‌ഷാനിലുമായിരുന്നു ഈ കൃഷിയുടെ 96 ശതമാനവും. ലാഭകരമായതിനാൽ ഭക്ഷ്യവിളകളായ അരിക്കും ഗോതമ്പിനും പകരം ഹരിരുദ്, അമുദാര്യ നദിക്കരകളിലെ ഫലഫൂയിഷ്ടമായ പാടങ്ങളിൽ കർഷകർ കറുപ്പുചെടികൾ നട്ടുവളർത്തി.ഇങ്ങനെ  ഇതിന്റെ കൃഷി വൻതോതിൽ അഫ്ഗാനിസ്ഥാനിൽ വ്യാപകമായി.

 2020ൽ മാത്രം കറുപ്പ് കൃഷിയിൽ അഫ്ഗാൻ 37 ശതമാനം വർധനയാണ് രേഖപ്പെടുത്തിയത്.രാജ്യത്തെ 34 പ്രവിശ്യകളിൽ 22ലും വൻതോതിൽ കറുപ്പ്കൃഷി ഇന്ന് നടക്കുന്നുണ്ട്.അക്കാലത്ത് അഷറഫ് ഗനിയുടെ സർക്കാരാണ് അധികാരത്തിലെങ്കിലും കൃഷി നടന്ന പലസ്ഥലങ്ങളിലും താലിബാന് ശക്തമായ സ്വാധീനമുള്ളതായിരുന്നു.ഇങ്ങനെ മാത്രം താലിബാൻ സമ്പാദിച്ചത്  2800 കോടിയോളം രൂപ!

  2001ൽ 8000 ഹെക്ടർ കൃഷിയാണുണ്ടായിരുന്നതെങ്കിൽ 2020ൽ ഇതു രണ്ടേകാൽ ലക്ഷം ഹെക്ടറായി വർധിച്ചെന്നും കണക്കുകൾ പറയുന്നു.നിലവിൽ 2.1 ബില്യൺ യുഎസ് ഡോളർ വാർഷിക വരുമാനം ഇതുവഴി താലിബാന് ലഭിക്കുന്നുണ്ട്.കറുപ്പുചെടികളുടെ കറ എടുത്ത് അതിൽ രാസപ്രക്രിയകൾ നടത്തി ഹെറോയിനാക്കി മാറ്റുന്ന ‘ലാബുകൾ’ അഫ്ഗാനിലെ ബഡാക്‌ഷനിൽ ധാരാളമായുണ്ട്. ഇവിടെ നിന്നു ഹെറോയിൻ തജിക്കിസ്ഥാൻ വഴി മധ്യേഷ്യയിലേക്കും യൂറോപ്പിലേക്കും യുഎസിലേക്കും എത്തിക്കുന്നു; .

.

ലഹരി വസ്തുക്കളുമായി പൊലീസിന്റെയും എക്‌സൈസിന്റെയും നാര്‍ക്കോട്ടിക് സെല്ലിന്റെയും പിടിയിലാകുന്ന യുവതിയുവാക്കളെക്കുറിച്ചുള്ള അനവധി വാര്‍ത്തകളാണ് ഓരോ ദിവസവും കേരളത്തിലെ പത്രങ്ങളില്‍ വന്നു കൊണ്ടിരിക്കുന്നത്.ഇത്തരത്തില്‍ പിടിക്കപ്പെടുന്നത് ഒറ്റപ്പെട്ട കേസുകള്‍ മാത്രമാണ്..വിപുലമായ റാക്കറ്റ് തന്നെ ഇതിനു പിന്നില്‍ പ്രവര്‍ത്തിക്കുന്നുണ്ട്. നൂറു കേസുകള്‍ ലക്ഷ്യസ്ഥാനത്ത് കൃത്യതയോടെ എത്തിക്കുമ്പോള്‍ ഒന്നോ രണ്ടോ മാത്രമാണ് പിടിക്കപ്പെടുന്നത്.കാരണം രാജ്യത്തെ രഹസ്യാന്വേഷണ ഏജന്‍സികളെപ്പോലും വെല്ലുന്ന സമാന്തര സംവിധാനങ്ങളായാണ് ലഹരി മാഫിയകളുടെ പ്രവര്‍ത്തനം. അതുകൊണ്ടു തന്നെ ലഹരിക്കടത്ത് പിടിക്കപ്പെടുക എളുപ്പമല്ല.

 കേരളത്തിലെത്തുന്ന ലഹരികള്‍ വിതരണം ചെയ്യപ്പെടുന്നത് നല്ലൊരു പങ്കും കാമ്പസുകളിലാണ്.അതുപോലെ.

‘ഡാർക്നെറ്റ്’ പോലുള്ള ഓൺലൈൻ വെബ്സൈറ്റുകൾ വഴിയാണ് ഇങ്ങനെ ലഹരിക്കച്ചവടം കൂടുതലും നടക്കുന്നത്. ഈ ഓൺലൈൻ സൈറ്റിൽ റജിസ്റ്റർ ചെയ്യുന്നവരുടെ പേരും വിവരങ്ങളും രഹസ്യമായിരിക്കും. എംഡിഎംഎ, എൽഎസ്ഡി തുടങ്ങിയ വീര്യമേറിയ ലഹരിമരുന്നുകളാണ് ഈ രീതിയിൽ കൈമാറ്റം ചെയ്യപ്പെടുന്നത്.