നേരത്തെ ചോദ്യം ചെയ്യലിന് ഹാജരാവാൻ ആവശ്യപ്പെട്ട് അന്വേഷണ സംഘം നോട്ടീസ് നൽകിയിരുന്നെങ്കിലും സിന്ധു ഹാജരായിരുന്നില്ല.
ആരോഗ്യ പ്രശ്നത്തെ തുടർന്ന് ചോദ്യം ചെയ്യലിന് ഹാജരാവാൻ കഴിയില്ലെന്നായിരുന്നു സിന്ധു അന്വേഷണ സംഘത്തെ അറിയിച്ചത്. ഇതോടെയാണ് പ്രത്യേക അന്വേഷണ സംഘം തിരുവനന്തപുരത്തെത്തി തമ്പാനൂർ പോലീസ് സ്റ്റേഷനിൽ വച്ച് സിന്ധു സൂര്യകുമാറിനെ ചോദ്യം ചെയ്തത്.
പോക്സോ, വ്യാജരേഖ ചമക്കല്‍, ക്രിമിനല്‍ ഗൂഢാലോചന എന്നീ വകുപ്പുകള്‍ പ്രകാരമാണ് ഏഷ്യാനെറ്റ് ന്യൂസ് എക്സിക്യൂട്ടീവ് എഡിറ്റര്‍ സിന്ധു സൂര്യകുമാര്‍, റെസിഡന്റ് എഡിറ്റര്‍ കെ ഷാജഹാന്‍, വീഡിയോ ചിത്രീകരിച്ച റിപ്പോര്‍ട്ടര്‍ നൗഫല്‍ ബിന്‍ യൂസഫ് എന്നിവർക്കെതിരെ കോഴിക്കോട് വെള്ളയില്‍ പൊലീസാണ് കേസ് രജിസ്റ്റര്‍ ചെയ്തത്..പി വി അൻവർ എംഎൽഎയുടെ പരാതിയിലായിരുന്നു നടപടി.
