Breaking NewsCrimeIndiaKeralaLead NewsLocalNEWSNewsthen Specialpolitics
ബിജെപി സ്ഥാനാര്ത്ഥിയുടെ വീടിന് തീയിടാന് ശ്രമം ; സംഭവം ഇന്നു പുലര്ച്ചെ ചിറയിന്കീഴില്
തിരുവനന്തപുരം: തിരുവനന്തപുരത്ത് ബിജെപി സ്ഥാനാര്ത്ഥിയുടെ വീടിന് തീയിടാന് ശ്രമം. ചിറയിന്കീഴ് പതിനാറാം വാര്ഡ് പുതുക്കരി വയലില് വീട്ടില് ടിന്റു ജി വിജയന്റെ വീടിനു നേരെയാണ് ആക്രമണം ഉണ്ടായത്. പുലര്ച്ചെ ഒരു മണിയോടെയായിരുന്നു സംഭവം. ടിന്റുവും രണ്ടു കുട്ടികളും അച്ഛനും അമ്മയും മാത്രമായിരുന്നു വീട്ടില് ഉണ്ടായിരുന്നത്. ഉറക്കത്തിലായിരുന്ന ഇവര് പുറത്തെ ശബ്ദം കേട്ട് ഉണരുകയായിരുന്നു. അപ്പോള് ഹെല്മറ്റും റെയിന് കോട്ടും ധരിച്ച് രണ്ടുപേര് വീടിന് പിന്വശത്തായി തീ ഇടുന്നതാണ് കണ്ടത്. വീട്ടിലെ കതകും ഫ്ലോര്മാറ്റും കത്തിക്കാന് ശ്രമിച്ചിട്ടുണ്ട്.
