കടബാദ്ധ്യത ഏറ്റെടുക്കുമെന്ന് പറഞ്ഞാല് കോണ്ഗ്രസ് അത് ഏറ്റെടുത്തിരിക്കും ; നിയമപരമായ ബാദ്ധ്യത പാര്ട്ടി ഏറ്റെടുക്കില്ലെന്നും എന്നാല് ധാര്മ്മികതാ ബാദ്ധ്യത പാര്ട്ടി ഏറ്റെടുക്കുമെന്ന് സണ്ണിജോസഫ്
വയനാട്: ഒരു കടബാധ്യത കോണ്ഗ്രസ് ഏറ്റെടുത്താല് ഏറ്റെടുത്തതാണെന്നും കോണ്ഗ്രസ് പാര്ട്ടിയുടെ ഉത്തരവാദിത്തത്തില് അടച്ചു തീര്ക്കുമെന്നും കെപിസിസി അദ്ധ്യക്ഷന് സണ്ണിജോസഫ്. വയനാട് ഡിസിസി ട്രഷറര് എന്എം വിജയന്റെ കുടുംബത്തിന്റെ ബാങ്കിലെ കടബാദ്ധ്യത പാര്ട്ടി തീര്ക്കുമെന്നും അതില് ഉത്തരവാദിത്വം കാണിക്കുമെന്നും കെപിസിസി അദ്ധ്യക്ഷന് പറഞ്ഞു.
എന്എം വിജയന്റെ കുടുംബത്തിന്റെ ബത്തേരി അര്ബന് ബാങ്കിലെ കട ബാധ്യതയില് നിയമപരമായ ബാധ്യത പാര്ട്ടിക്കില്ല. എന്നാല്, ധാര്മിക ബാധ്യതയുണ്ടെന്നും എന്എം വിജയന്റെ ബാധ്യത ഞങ്ങള് ഏറ്റെടുത്തത് അടയ്ക്കാന് വേണ്ടിയാണ്. ഏറ്റെടുത്താല് ഏറ്റെടുത്തത് തന്നെയാണ്. സാമ്പത്തിക പ്രയാസമുള്ള പാര്ട്ടിയാണ് തങ്ങളുടേതങ്കിലും ആ ഉത്തരവാദിത്തം ഏറ്റെടുത്തത്. ഒരു കോണ്ഗ്രസ് കുടുംബത്തെ സഹായിക്കാനുള്ള സന്മനസിന്റെ ഭാഗമായിട്ടാണെന്നും പറഞ്ഞു.
വിഷത്തില് പ്രതികരണവുമായി കുടുംബവും രംഗത്തെത്തി. കുടുംബവുമായി സംസാരിക്കാന് പാര്ട്ടി നേതാക്കള് തയ്യാറായിട്ടില്ല എന്ന് എന്എം വിജയന്റെ മരുമകള് പത്മജ പറഞ്ഞു. അവര് സംസാരിച്ച ശേഷം തുടര് അഭിപ്രായം പറയാമെന്നും വ്യക്തമാക്കി. നേതൃത്വം സംസാരിക്കാന് തയ്യാറായില്ലെങ്കില് ഒക്ടോബര് 2ന് സമരവുമായി മുന്നോട്ടു പോകുമെന്നും പറഞ്ഞു.
പിന്നീട് ഏകപക്ഷീയമായി മൂന്ന് കാര്യങ്ങള് മാത്രമേ ചെയ്യാന് കഴിയുകയുള്ളൂ എന്ന് പറഞ്ഞു. കെപിസിസിക്ക് ഫണ്ടില്ല എന്നും പറഞ്ഞിട്ടുണ്ടായിരുന്നു. ഇതിനുശേഷം സണ്ണി ജോസഫോ ഉപസമിതിയില് ഉള്ളവരോ ഒന്നും പറഞ്ഞിരുന്നില്ല. നേതൃത്വം ഇക്കാര്യത്തില് നിലപാട് പറയട്ടെ. ഇതിനുശേഷം തുടര് നടപടികള് പറയാം പത്മജ വ്യക്തമാക്കി.
