പത്തനംതിട്ട:വാട്ടര്‍ മെട്രോ വരച്ച്‌ പത്തനംതിട്ടയിൽ എല്‍.ഡി.എഫ് പ്രചാരണം.മെഴുവേലി കാരിത്തോട്ട, എസ്.എൻ. വിദ്യാപീഠത്തിന് സമീപമാണ് സംഭവം.
അറുപതടി നീളത്തിലും 12അടി വീതിയിലും വാട്ടർ മെട്രോ ചിത്രം വരച്ച്‌ അതില്‍ ഡോ.തോമസ് ഐസക്കിന്റെ ചിഹ്നവും പേരും രേഖപ്പെടുത്തിയാണ് വോട്ട് അഭ്യർത്ഥന നടത്തിയിട്ടുള്ളത്. സി.പി.എം മെഴുവേലി ലോക്കല്‍ സെക്രട്ടറി വിശ്വംഭരനാണ് പ്രചാരണത്തിന് ചുക്കാൻ പിടിക്കുന്നത്.
മിമിക്രി ആർട്ടിസ്റ്റ് അനില്‍ ഇലവുംതിട്ടയുടെ നേതൃത്വത്തില്‍ നാല് ആർട്ടിസ്റ്റുകള്‍ നാലു ദിവസമായി പണിപ്പെട്ടാണ് വരയുടെ അവസാന മിനുക്ക്‌ പണിയില്‍ എത്തി നില്‍ക്കുന്നത്. രാജൂസ് കുളനട, കുമ്ബഴ സ്വദേശിയായ സ്മൃതി ബിജു, അർജുൻ എന്നീ ആർട്ടിസ്റ്റുകളാണ് അനിലിന് ഒപ്പം വരയില്‍ പങ്കാളികളായിട്ടുള്ളത്.
കൊച്ചി വാട്ടർ മെട്രോയെന്ന സർക്കാർ നേട്ടം ഗ്രാമീണ തലങ്ങളില്‍ എത്തിക്കുക എന്നതാണ് ഇതിലൂടെ ലക്ഷ്യമിടുന്നതെന്ന് ഇവർ പറഞ്ഞു.
