അബുദാബി: ബിഗ് ടിക്കറ്റിൽ പത്ത് ലക്ഷം ദിര്‍ഹം സമ്മാനം നേടി മലയാളി യുവാവ്.മലയാളിയായ ഷംസീര്‍ ആണ് ഏറ്റവും പുതിയ വിജയി. രണ്ട് സുഹൃത്തുക്കള്‍ക്കൊപ്പമാണ് ഷംസീര്‍ ബിഗ് ടിക്കറ്റ് വാങ്ങിയത്.
നിരവധി മലയാളികള്‍ ബിഗ് ടിക്കറ്റിലൂടെ സമ്മാനം നേടിയതാണ് ഷംസീറിന് പ്രചോദനമായത്. അഞ്ച് തവണ ഇതിന് മുൻപ് ടിക്കറ്റുകള്‍ വാങ്ങി. 2023-ല്‍ എടുത്ത അവസാന ടിക്കറ്റിലൂടെ ഭാഗ്യവും സ്വന്തമായി.
ഇപ്പോൾ ബിഗ് ടിക്കറ്റ് വാങ്ങുന്നവര്‍ക്ക് ഡിസംബര്‍ 31-ന് നടക്കുന്ന ലൈവ് ഡ്രോയില്‍ 20 മില്യണ്‍ ദിര്‍ഹം നേടാനുള്ള അവസരമാണ് ലഭിക്കുക.ഓട്ടോമാറ്റിക് ഇലക്‌ട്രോണിക് ഡ്രോയിലൂടെ ആഴ്ച്ചതോറും ഒരു മില്യണ്‍ ദിര്‍ഹം വീതം നേടാനും അവസരമുണ്ട്.
31-ന് ഉച്ചയ്ക്ക് 2 മണിക്കാണ് നറുക്കെടുപ്പ്.ബിഗ് ടിക്കറ്റ് ഔദ്യോഗിക യൂട്യൂബ് ചാനലിലും ഫേസ്ബുക്ക് പേജിലും ഇൻസ്റ്റഗ്രാം പേജിലും നറുക്കെടുപ്പ് കാണാം.
