കൊച്ചി: അങ്കമാലി മഞ്ഞപ്രയില്‍ വിരണ്ടോടിയ പോത്തിന്റെ പരാക്രമം. ബൈക്ക് യാത്രികൻ ഉള്‍പ്പടെ ആറ് പേര്‍ക്ക് പോത്തിന്റെ ആക്രമണത്തില്‍ പരിക്കേറ്റു.പിടിച്ചു കെട്ടാനെത്തിയ ഫയര്‍ഫോഴ്സ് ഉദ്യോഗസ്ഥനേയും പോത്ത് കുത്തി.
വിരണ്ടോടിയ പോത്ത് എയര്‍പോര്‍ട്ട് മറ്റൂര്‍ കരിയാട് റോഡിന്റെ നടുക്കായി നിലയുറപ്പിക്കുകയായിരുന്നു. ഇതോടെ റോഡിലൂടെയുള്ള ഗതാഗതം തടസപ്പെട്ടു. അതിനിടെ വണ്ടി ഓടിച്ചുപോകാൻ ശ്രമിച്ച സ്കൂട്ടര്‍ യാത്രികനെ കുത്തിവീഴ്ത്തുകയായിരുന്നു.
തുടർന്ന് നടന്നുപോകുകയായിരുന്ന അതിഥി തൊഴിലാളിക്കു നേരെ തിരിഞ്ഞു. ഏറെ നേരത്തെ ശ്രമഫലമായാണ് നാട്ടുകാരും ഫയര്‍ഫോഴ്സ് ഉദ്യോഗസ്ഥരും ചേര്‍ന്ന് പോത്തിനെ പിടിച്ചുകെട്ടിയത്. കുത്തേറ്റവരുടെ പരിക്ക് ഗുരുതമല്ല.
