IndiaNEWS

വളര്‍ത്തുപൂച്ചയില്‍ നിന്ന് പേവിഷബാധയേറ്റ സര്‍ക്കാര്‍ സ്‌കൂള്‍ അദ്ധ്യാപകനും മകനും ദാരുണാന്ത്യം

ലക്‌നൗ: വളര്‍ത്തുപൂച്ചയില്‍ നിന്ന് പേവിഷബാധയേറ്റ സര്‍ക്കാര്‍ സ്‌കൂള്‍ അദ്ധ്യാപകനും മകനും ദാരുണാന്ത്യം. ഉത്തര്‍പ്രദേശിലെ കാണ്‍പൂരിലാണ് സംഭവം.

കഴിഞ്ഞ സെ‌പ്തംബറില്‍ പൂച്ചയ്ക്ക് തെരുവ് നായയില്‍ നിന്ന് കടിയേറ്റിരുന്നു. പൂച്ച പേവിഷബാധയുടെ ലക്ഷണങ്ങള്‍ പ്രകടിപ്പിച്ചിട്ടും വീട്ടുകാര്‍ ശ്രദ്ധകൊടുക്കാത്തതാണ് ദുരന്തത്തിന് കാരണമായതെന്ന് അധികൃതര്‍ പറയുന്നു.

 

ജോലിയില്‍ നിന്ന് അവധിയെടുത്ത് വീട്ടിലെത്തിയ 24കാരനായ മകനാണ് ആദ്യം പേവിഷബാധയേറ്റത്. കളിപ്പിക്കുന്നതിനിടെ പൂച്ച കടിക്കുകയായിരുന്നു. ഒരാഴ്‌ചയ്ക്ക് ശേഷം ആരോഗ്യം മോശമായതിനെത്തുടര്‍ന്ന് യുവാവ് മരണപ്പെട്ടു. ഇതിന് ഒരാഴ്‌ചയ്ക്ക് ശേഷമാണ് ഇതേ ലക്ഷണങ്ങളോടെ 58കാരനായ പിതാവും മരണപ്പെടുന്നത്.

Back to top button
error: