ഓർമകളുടെ വളക്കിലുക്കവുമായി കണ്ണൂർ സ്വദേശിനി മുംതാസ് ആസാദിന്റെ ‘മൈലാഞ്ചി കിസ്സ’ ഷാർജ അന്താരാഷ്ട്ര പുസ്തകോത്സവത്തിൽ പ്രകാശനം ചെയ്യും. നവംബർ എട്ടിന് നടി നൈല ഉഷയാണ് പ്രകാശനം നിർവഹിക്കുന്നത്.
മുംതാസ് ആസാദിന്റെ മകളും നടൻ ആസിഫലിയുടെ ഭാര്യയുമായ സമ മസ്‌റിൻ പുസ്തകം ഏറ്റുവാങ്ങും. അശ്റഫ്‌ മൈലാഞ്ചി, ജിസ് ജോയ് എന്നിവർ ചേർന്ന് അവതാരിക എഴുതിയ പുസ്തകം കോഴിക്കോട് ലിപി പബ്ലികേഷൻസാണ് പുറത്തിറക്കുന്നത്. ഷാർജ പുസ്തകോത്സവത്തിൽ സ്റ്റാൾ നമ്പർ സെഡ് സി 28 ഹോൾ ഏഴിൽ പുസ്തകം ലഭിക്കും.
മുംതാസ് ആസാദിന്റെ രണ്ടാമത്തെ പുസ്തകമാണിത്. ഇവരുടെ ആദ്യപുസ്തകം ‘എന്നും മായാതെ’ 2021ൽ ഷാർജ അന്താരാഷ്ട്ര പുസ്തകോത്സവത്തിൽ തന്നെയാണ് പുറത്തിറക്കിയത്.
