ബംഗളൂരു: ഡ്രൈവറെയും ഒപ്പം ഉണ്ടായിരുന്ന ആളെയും ആക്രമിച്ച് തക്കാളിയുമായി പോയ ലോറി തട്ടിക്കൊണ്ടു പോയ ദമ്ബതികൾ അറസ്റ്റിലായി.ബംഗളൂരു സ്വദേശികളായ ഭാസ്‌കര്‍, സിന്ധുജ എന്നിവരാണ് പിടിയിലായത്.
ചിക്കജാലക്ക് സമീപം ആര്‍എംസി പൊലീസ് സ്റ്റേഷൻ പരിധിയില്‍ ജൂലൈ 8നായിരുന്നു സംഭവം. ചിത്രദുര്‍ഗ ജില്ലയിലെ ഹിരിയൂരില്‍ നിന്നും കോലാര്‍ മാര്‍ക്കറ്റിലേക്ക് കൊണ്ടുപോവുകയായിരുന്ന തക്കാളിയാണ് ദമ്ബതികള്‍ മോഷ്ടിച്ചത്. 2.5 ലക്ഷത്തോളം രൂപ വിലവരുന്ന 2000 കിലോ തക്കാളിയായിരുന്നു ലോറിയില്‍.വണ്ടിയിലുണ്ടായിരുന്ന കര്‍ഷകനെയും ഡ്രൈവറെയും ആക്രമിച്ചാണ് ഇവർ ലോറി കടത്തിയത്.
ലോറിയുമായി പ്രതികള്‍ തമിഴ്‌നാട്ടിലേക്ക് കടക്കുകയും തക്കാളികള്‍ ഇവിടെ വില്‍ക്കുകയും ചെയ്തുവെന്ന് പൊലീസ് പറയുന്നു.വില്‍പനയ്ക്ക് ശേഷം ലോറി ഉപേക്ഷിച്ച് മറ്റൊരു വണ്ടിയിലാണ് പ്രതികള്‍ തിരിച്ച് ബംഗളൂരുവിൽ എത്തിയത്.ഐപിസിസെക്ഷൻ 346A, 392 എന്നീ വകുപ്പുകള്‍ പ്രകാരമാണ് ദമ്ബതികള്‍ക്കെതിരെ പൊലീസ് കേസെടുത്തിരിക്കുന്നത്.
