അക്കൗണ്ട് ഉടമ മരിച്ചതിന് ശേഷം അയാളുടെ അക്കൗണ്ടിൽ നിന്ന് എടിഎം കാർഡ് ഉപയോഗിച്ച് ട്രാൻസാക്ഷനുകൾ നടത്തുന്നത് ക്രിമിനൽ കുറ്റമാണ്.
അക്കൗണ്ട് ഹോൾഡർ മരണപ്പെട്ടാൽ അത് അതത് ബ്രാഞ്ചിൽ വിളിച്ചു പറയണം. അപ്പോൾ തന്നെ അവർ ആ അക്കൗണ്ടിൽ രജിസ്റ്റർ ചെയ്തിട്ടുള്ള ക്രെഡിറ്റ്, ഡെബിറ്റ് കാർഡുകൾ ബ്ലോക്ക് ചെയ്യും. പിന്നീട് നോമിനിക്ക് പേര്, ആധാര്‍ ഉള്‍പ്പെടെയുള്ള വിവരങ്ങള്‍, ഫോണ്‍ നമ്പര്‍ എന്നിവ ബാങ്കില്‍ വിളിച്ച് പുതുക്കാവുന്നതാണ്. അക്കൗണ്ട് ഉടമ മരിച്ചതിന് ശേഷം അയാളുടെ അക്കൗണ്ടിൽ നിന്ന് ട്രാൻസാക്ഷനുകൾ നടന്നാൽ അത് ക്രിമിനൽ ഒഫൻസാണ്. ആശ്രിതരോ നോമിനികളോ ആണ് പണം പിൻവലിച്ചതെങ്കിൽ ഇളവുകൾ ലഭിച്ചേക്കും. എന്നാൽ യഥാർത്ഥത്തിൽ ബാങ്കിനെ അറിയിച്ചു മാത്രം സാമ്പത്തിക കൈമാറ്റം നടത്തുക.
അക്കൗണ്ട് ഹോൾഡറുടെ മരണ വിവരം ബാങ്കിനെ അറിയിക്കാതിരിക്കുകയും എന്നാൽ പ്രസ്തുത എ ടി എം കാർഡിൽ നിന്ന് പണം പിൻവലിക്കുകയും എന്നാൽ ബാങ്ക് ഇത് കണ്ടെത്തുകയും ചെയ്താൽ ഇത് ക്രിമിനൽ കുറ്റമാണ്. ആദ്യം വേണ്ടത് അക്കൗണ്ട് ഹോൾഡറുടെ മരണ വിവരം ബാങ്കിനെ അറിയിക്കുക എന്നതാണ്. അക്കൗണ്ട് ഉപയോഗിക്കാൻ നിങ്ങൾക്ക് പവർ ഓഫ് അറ്റോർണി ഉണ്ടെങ്കിൽ ബാങ്കിനെ ബോധ്യപ്പെടുത്തി കാർഡ് ഉപയോഗിക്കാം. എന്നാൽ എടിഎം പിന്‍ നമ്പര്‍, പേര് എന്നിവ ബാങ്കിൽ നിന്ന് തന്നെ മാറ്റിക്കിട്ടി ശേഷം ഉപയോഗിക്കുകയാണ് വേണ്ടത്.
പെൻഷൻ അക്കൗണ്ടുകളാണെങ്കിൽ സ്ഥിതി ഇതല്ല.പെൻഷൻ അക്കൗണ്ടുകളിൽ സാധാരണ നിലക്ക് നോമിനി അല്ലെങ്കിൽ നോമിനികളുടെ പേര് അടങ്ങിയിട്ടുണ്ടാകും. ഇത്തരം സാഹചര്യങ്ങളിൽ പണം പിൻവലിക്കാം. എന്നാൽ പെൻഷൻ അക്കൗണ്ടുകൾക്ക് നോമിനികൾ ഇല്ലെങ്കിൽ നിയമപ്രകാരമുള്ള അവകാശികൾക്ക് വില്ലേജ് ഓഫീസിലും ബാങ്കിലുമായി ഇടപെടലുകൾ നടത്താവുന്നതാണ്. ഇത് നിയമ പ്രകാരമുള്ള അവകാശികൾക്ക് തുല്യമായി വീതിച്ചെടുക്കാം. അങ്ങനെയല്ലാത്ത പക്ഷം തുക ഒരാൾക്കു മാത്രമായി പിൻവലിക്കാം. എന്നാൽ അപ്പോൾ മറ്റ് അവകാശികളുടെ കണ്യസെന്റ് ലെറ്റർ ബാങ്കിൽ ഹാജരാക്കിയിരിക്കണം.
