അർജുൻ അശോകൻ ചിത്രമായി ഒടുവിലെത്തിയത് ‘പ്രണയ വിലാസം’ ആയിരുന്നു. നിഖിൽ മുരളിയാണ് ചിത്രത്തിന്റെ സംവിധാനം. ജ്യോതിഷ് എം, സുനു എന്നിവർ തിരക്കഥ എഴുതിയിരിക്കുന്നു. ‘പ്രണയ വിലാസം’ ഒടിടി റിലീസിന് തയ്യറായിരിക്കുകയാണ് എന്നാണ് റിപ്പോർട്ട്. ‘പ്രണയ വിലാസം’ എന്ന ചിത്രം ഏപ്രിൽ ഏഴിന് സീ5ൽ ആണ് റിലീസ് ചെയ്യുക. ഷാൻ റഹ്‍മാന്റെ സംഗീത സംവിധാനത്തിലുള്ള ചിത്രം സ്ട്രീം ആരംഭിക്കുക ഏപ്രിൽ ഏഴ് മുതലാണ്. ഷിനോസ് ആണ് ചിത്രത്തിന്റെ ഛായാഗ്രാഹണം. മമിത, മിയ, ഹക്കിം ഷാ, മനോജ് കെ യു എന്നിവരാണ് ‘പ്രണയ വിലാസം’ എന്ന ചിത്രത്തിലെ മറ്റ് അഭിനേതാക്കൾ.
സിബി ചവറ, രഞ്‍ജിത്ത് നായർ എന്നിവർ ചേർന്നാണ് റൊമാന്റിക് ചിത്രമായ ‘പ്രണയ വിലാസ’ത്തിന്റെ നിർമാണം. അർജുൻ അശോകൻ നായകനായ പുതിയ ചിത്രത്തിന്റെ കലാ സംവിധാനം രാജേഷ് പി വേലായുധൻ ആണ് നിർവഹിച്ചത്. ഗാനരചന സുഹൈൽ കോയ, മനു മഞ്‍ജിത്ത്, വിനായക് ശശികുമാർ. പ്രൊഡക്ഷൻ കൺട്രോളർ ഷബീർ, കളറിസ്റ്റ് ലിജു പ്രഭാകർ. മേക്ക് അപ്പ് റോണക്സ് സേവ്യർ, പിആർഒ എ എസ് ദിനേശ് എന്നിവരാണ് ‘പ്രണയ വിലാസം’ എന്ന ചിത്രത്തിന്റെ മറ്റ് പ്രവർത്തകർ.
ജി വേണുഗോപാലും ഷാനിന്റെ സംഗീത സംവിധാനത്തിൽ മനോഹരമായ ഒരു ഗാനം ആലപിച്ചിരുന്നു. ചിത്രത്തിലെ ഗാനത്തിന്റെ പ്രത്യേകതകളെ കുറിച്ച് സംഗീത സംവിധായകൻ ഷാൻ റഹ്‍മാനം ഗായകൻ ജി വേണുഗോപാലും സംസാരിക്കുന്നതും ചേർത്ത ലിറിക്കൽ വീഡിയോയും പുറത്തുവിട്ടത് ശ്രദ്ധയാകർഷിച്ചരുന്നു. ‘കരയാൻ മറന്നു നിന്നോ’ എന്ന ഒരു ഗാനമാണ് ജി വേണുഗോപാൽ ‘പ്രണയ വിലാസ’ത്തിനായി പാടിയത്. ഇത് പ്രേക്ഷകർ ഏറ്റെടുക്കുകയും ചെയ്‍തിരുന്നു.
