കോട്ടയം:ഏറ്റുമാനൂരിന് സമീപം നൂറ്റൊന്ന് കവലയിൽ വാഹനങ്ങളുടെ കൂട്ടയിടി.ആറ് വാഹനങ്ങളാണ് കൂട്ടിയിടിച്ചത്.സംഭവത്തിൽ പത്തോളം പേർക്ക് പരിക്കുണ്ട്.
ഏറ്റുമാനൂരിന് സമീപം എം സി റോഡിൽ 101 കവലയിലായിരുന്നു സംഭവം. ഒരു ടിപ്പർ ലോറിയും രണ്ട് കാറുകളും രണ്ട് ബൈക്കുകളും, ഒരു ഓട്ടോറിക്ഷയും ആണ് അപകടത്തിൽ പെട്ടത്.ഇന്ന് ഉച്ചയോടെ ആയിരുന്നു അപകടം.
ഏറ്റുമാനൂർ ഭാഗത്തേക്ക് പോയ ടിപ്പർ പെട്ടെന്ന് ബ്രേക്ക് ചെയ്തപ്പോൾ പിന്നിലെത്തിയ വാഹനങ്ങൾ ഇടിക്കുകയായിരുന്നു.പരിക്കേറ്റവരെ കോട്ടയം മെഡിക്കൽ കോളജ് ആശുപത്രിയിലും തെള്ളകത്തെ സ്വകാര്യ ആശുപത്രിയിലും പ്രവേശിപ്പിച്ചു.
