നാദാപുരം∙ പാതിരാത്രിയിൽ യുവതിയുടെ വീട്ടിലെത്തിയ യുവാവിനെ ആൾക്കൂട്ടം വീട്ടിൽ കയറി ആക്രമിച്ചു.കണ്ണൂർ കൂത്തുപറമ്പ് ആയിക്കര മമ്പറം സ്വദേശി വിശാഖിനെയാണ് (29) ആൾക്കാർ കൂട്ടം ചേർന്ന് ചേർന്ന് മർദ്ദിച്ചത്.ഗുരുതരമായി പരിക്കേറ്റ വിശാഖും യുവതിയും കോഴിക്കോട് മെഡിക്കൽ കോളജ് ആശുപത്രിയിൽ ചികിത്സയിലാണ്.
വിവാഹിതയായ യുവതിയുടെ വീട്ടിൽ ഇന്നലെ പുലർച്ചെ ഒരു മണിയോടെയാണു സംഭവം.വിശാഖ് എത്തിയ വിവരം ആരോ ഫോൺ ചെയ്ത് അറിയിച്ചതിനെ തുടർന്ന് ഒരു കൂട്ടം യുവാക്കൾ സംഘടിച്ചെത്തി ഇരുവരെയും കൈകാര്യം ചെയ്യുകയായിരുന്നു.
വിശാഖിനു കൈകാലുകൾക്കും തലയ്ക്കും ഗുരുതരമായ പരുക്കുണ്ട്. യുവതിയുടെ പരുക്ക് സാരമുള്ളതല്ല.സംഭവത്തിൽ പേരോട് സ്വദേശികളായ 20 പേർക്കെതിരെ, വധശ്രമം അടക്കമുള്ള വകുപ്പുകൾ ചേർത്ത് നാദാപുരം പൊലീസ് കേസെടുത്തു.
