ആലപ്പുഴ: ഡി.സി.സി ജനറല്‍ സെക്രട്ടറിയും, ജില്ലാ പഞ്ചായത്ത് മുന്‍ അംഗവുമായ ശ്രീദേവി രാജന്‍ വാഹനാപകടത്തില്‍ മരിച്ചു. ദേശീയപാതയില്‍ ഹരിപ്പാട് കവലയ്ക്ക് തെക്ക് എലുവക്കുളങ്ങര ജങ്ഷന് സമീപം ഇന്ന് രാവിലെ എട്ട് മണിയോടെയായിരുന്നു അപകടം.
ശ്രീദേവി രാജന്‍ സഞ്ചരിച്ച സ്‌കൂട്ടറിനു പിന്നില്‍ കാര്‍ ഇടിക്കുകയായിരുന്നു. ചിങ്ങോലി സ്വദേശിനിയാണ്.
ക്ഷേത്ര ദര്‍ശനം കഴിഞ്ഞ് മടങ്ങവെയാണ് അപകടം. മൃതദേഹം ഹരിപ്പാട് താലൂക്ക് ആശുപത്രി മോര്‍ച്ചറിയില്‍.
