ചണ്ഡീഗഡ്: ഹരിയാനയിലെ കോളജ് ക്യാംപസിലുണ്ടായ വെടിവയ്പില്‍ നാലു പേര്‍ക്ക് പരുക്കേറ്റു. ഇവരില്‍ രണ്ടു പേരുടെ നില അതീവഗുരുതരമാണ്. റോഹ്തകിലെ മഹര്‍ഷ് ദയാനന്ദ് സര്‍വകലാശാലയില്‍ ശനിയാഴ്ച വൈകിട്ടോടെയാണ് വെടിവയ്പ്പുണ്ടായത്. കാറിലെത്തിയ യുവാവാണ് വെടിവച്ചതെന്നാണ് സൂചന. സാമ്പത്തിക ഇടപാടിലെ തര്‍ക്കം അക്രമത്തില്‍ കലാശിച്ചുവെന്നാണ് സൂചന.
പരുക്കേറ്റ നാലു പേരും സര്‍വകലാശാലയിലെ ഗെയ്റ്റിനു സമീപം നില്‍ക്കുകയായിരുന്നെന്നാണ് വിവരം. ഹരിയാന ഗവര്‍ണര്‍ ബന്ദാരു ദത്താത്രേയ ക്യാംപസില്‍നിന്നു പോയി ഒരു മണിക്കൂറിനുള്ളിലാണ് ആക്രമണമുണ്ടായതെന്നാണ് ദേശീയ മാധ്യമം റിപ്പോര്‍ട്ടു ചെയ്തത്.
