ആലപ്പുഴ: കായംകുളത്ത് റോഡിലെ കുഴിയില്‍വീണ് പോലീസ് ഉദ്യോഗസ്ഥന് പരുക്ക്. കായംകുളം പൊലീസ് സ്റ്റേഷനിലെ എസ്.ഐ ഉദയകുമാറിനാണ് പരിക്കേറ്റത്.
ഡ്യൂട്ടി കഴിഞ്ഞു ബൈക്കില്‍ മടങ്ങുകയായിരുന്ന ഉദയകുമാര്‍ റോഡിലെ കുഴിയില്‍ വീഴുകയും തുടര്‍ന്ന് ബൈക്കിന്റെ നിയന്ത്രണം നഷ്ടമായി അപകടത്തില്‍പ്പെടുകയുമായിരുന്നു.
വീഴ്ചയില്‍ കൈയ്ക്കും കാലിനും മുറിവേറ്റ എസ്.ഐയെ കായംകുളം താലൂക്ക് ആശുപത്രിയില്‍ പ്രവേശിപ്പിച്ചു. കായംകുളം കെപിഎസി ജംഗ്ഷനില്‍ വച്ചാണ് അപകടമുണ്ടായത്.
