‘എന്‍സിപി പ്രവര്‍ത്തകരാല്‍ ഉപദ്രവിക്കപ്പെടുകയും നാണംകെടുത്തപ്പെടുകയും പീഡിപ്പിക്കപ്പെടുകയും ചെയ്തു.എന്നാല്‍ പൊലീസ് നിശബ്ദരായി നിന്നു. നിയമപരമായല്ല ഞാന്‍ അറസ്റ്റ് ചെയ്യപ്പെട്ടത്.അറസ്റ്റിനു മുന്‍പ് ഒരു നോട്ടീസ് പോലും ലഭിച്ചിട്ടില്ല.വീട്ടില്‍ വന്ന് പൊലീസ് എന്നെ പിടിച്ചുകൊണ്ടുപോകുകയായിരുന്നു.
താനെ പൊലീസ് കസ്റ്റഡിയിലേക്കാണ് എന്നെ കൊണ്ടുപോയത്.അവിടെ എന്‍സിപിയുടെ വനിത പ്രവര്‍ത്തകര്‍ ഉണ്ടായിരുന്നു.ഇരുപതോളം വരുന്ന വനിത പ്രവര്‍ത്തകര്‍ എന്റെ ദേഹത്തേക്ക് മഷിയും മുട്ടയും എറിഞ്ഞു.പൊലീസ് കസ്റ്റഡിയില്‍വെച്ച്‌ ഞാന്‍ ശാരീരികമായും പീഡിപ്പിക്കപ്പെട്ടു.എന്റെ വസ്ത്രങ്ങൾ ആണുങ്ങൾ വലിച്ചൂരൂമ്പോൾ പോലീസ് നോക്കിനിന്നു.’ കേതകി പറഞ്ഞു.
