KeralaNEWS

ബി.ജെ.പി നേതാവ് ശങ്കു ടി ദാസിന് വാഹനാപകടത്തില്‍ ഗുരുതര പരിക്ക്

മലപ്പുറം: ബി.ജെ.പി നേതാവ് ശങ്കു ടി ദാസിന് വാഹനാപകടത്തില്‍ ഗുരുതര പരിക്ക്. വ്യാഴാഴ്ച രാത്രി 11 മണിയോടെ തിരൂര്‍ ചമ്രവട്ടം പാലത്തിന് സമീപത്ത് വെച്ചാണ് അപകടം. ഓഫീസില്‍ നിന്ന് വീട്ടിലേക്ക് വരുമ്പോള്‍ ശങ്കു സഞ്ചരിച്ച ബൈക്ക് മറ്റൊരു വാഹനവുമായി കൂട്ടിയിടിക്കുകയായിരുന്നു. ഗുരുതരമായി പരിക്കേറ്റ ശങ്കു ടി ദാസിനെ കോട്ടക്കല്‍ മിംസില്‍ പ്രവേശിപ്പച്ചിച്ച ശേഷം വിദഗ്ധ ചികിത്സയ്ക്കായി കോഴിക്കോട് മിംസിലെത്തിച്ചു.

കരളിന് പരിക്കേറ്റിട്ടുണ്ട്. അടിയന്തര ശസ്ത്രക്രിയ വേണ്ടതിനാല്‍ ഇതിന് മുന്നോടിയായുള്ള ചികിത്സയിലാണ് ഇപ്പോഴുള്ളതെന്ന് മിംസ് അധികൃതര്‍ പ്രതികരിച്ചു. ആന്തരിക രക്തസ്രാവമുള്ളതിനാല്‍ ഇതിനുള്ള ചികിത്സയ്ക്ക് ശേഷമായിരിക്കും ശസ്ത്രക്രിയ.

അതേസമയം, ശങ്കു ടി ദാസിനെ ഇടിച്ചത് അജ്ഞാത വാഹനമല്ലെന്ന് ബി.ജെ.പി. ഇടിച്ച ബൈക്കില്‍ ഉള്ള യുവാക്കള്‍ക്കും പരുക്കേറ്റു. നിസാര പരിക്കേറ്റ യുവാക്കള്‍ പൊന്നാനിയിലെ സ്വകാര്യ ആശുപത്രിയില്‍ ചികിത്സയിലാണ്. അവര്‍ അറിയിച്ചത് അനുസരിച്ചാണ് രക്ഷാപ്രവര്‍ത്തനം നടന്നതെന്ന് ബിജെപി വൃത്തങ്ങള്‍ അറിയിച്ചു

ബാര്‍ കൗണ്‍സില്‍ അംഗമായ ശങ്കു ടി ദാസ്, കഴിഞ്ഞ നിയമസഭാ തെരഞ്ഞെടുപ്പില്‍ തൃത്താലയിലെ ബി ജെ പി സ്ഥാനാര്‍ഥിയായിരുന്നു. പന്തളം കൊട്ടാരത്തിലെ ചെമ്പോല തിട്ടൂരം എന്ന പേരില്‍ മോന്‍സണ്‍ മാവുങ്കല്‍ നിര്‍മിച്ച വ്യാജരേഖയില്‍ അന്വേഷണം ആവശ്യപ്പെട്ട് പൊലീസ് മേധാവിക്ക് പരാതി നല്‍കിയതും ശങ്കു ടി ദാസ് ആണ്.

Leave a Reply

Your email address will not be published. Required fields are marked *

Back to top button
error: