NEWS

വറുത്ത മീൻ കഴിച്ച വീട്ടമ്മയ്ക്ക് വിഷബാധ; അന്വേഷണം

ഇടുക്കി: വറുത്ത മീന്‍(Fish Fry) കഴിച്ച വീട്ടമ്മയെ ദേഹാസ്വാസ്ഥ്യത്തെ തുടർന്ന് ആശുപത്രിയിൽ പ്രവേശിപ്പിച്ചു. തോവാളപ്പടി വല്യാറച്ചിറ പുഷ്പവല്ലി(60) ആണ് മീന്‍ കഴിച്ചതിനെ തുടര്‍ന്ന് ദേഹാസ്വാസ്ഥ്യമുണ്ടായി ആശുപത്രിയില്‍ ചികിത്സയില്‍ കഴിയുന്നത്.ബുധനാഴ്ചയായിരുന്നു സംഭവം.

മീന്‍ കഴിച്ചതിന് പിന്നാലെ പരവേശവും തലയില്‍ പെരിപ്പും ഉണ്ടായതോടെ സമീപത്തെ വീട്ടിലെത്തി കാര്യം പറഞ്ഞു. ഉടനെ തന്നെ ഇവര്‍ പുഷ്പവല്ലിയെ ആശുപത്രിയില്‍ എത്തിച്ചു.ഇതിനകം പുഷ്പവല്ലിയുടെ നഖങ്ങളിലടക്കം നീലനിറം വ്യാപിച്ചിരുന്നു.

കഴിഞ്ഞ ദിവസം, വാഹനത്തില്‍ കൊണ്ടുവന്ന കേര മീന്‍ പുഷ്പവല്ലി വാങ്ങിയിരുന്നു.അയല്‍വാസികളും മീന്‍ വാങ്ങിയെങ്കിലും പുഷ്പവല്ലിയ്ക്ക് അസ്വസ്ഥ അനുഭവപെട്ടതിനാല്‍ ഉപയോഗിക്കാതെ കളയുകയായിരുന്നു.നെടുങ്കണ്ടത്തുള്ള ആശുപത്രിയില്‍ ചികിത്സയില്‍ കഴിയുന്ന പുഷ്പവല്ലിയിൽ നിന്നും ഭക്ഷ്യസുരക്ഷാ വകുപ്പ് എത്തി വിവരങ്ങള്‍ തേടി.

ഒരാഴ്ച മുന്‍പ് തൂക്കുപാലം മേഖലയില്‍ പച്ചമീന്‍ മത്സ്യാവശിഷ്ടം കഴിച്ച്‌ പൂച്ചകള്‍ ചത്തിരുന്നത് വാർത്തയായിരുന്നു.

Leave a Reply

Your email address will not be published. Required fields are marked *

Back to top button
error: