കണ്ണൂര്: കണ്ണൂര് പാനൂർ കുനുമ്മലിൽ നിന്ന് നാല് നാടന് ബോംബുകള് (Bombs) കണ്ടെത്തി. അബ്ദുൾ സമദ് എന്നയാളുടെ ആള് താമസമില്ലാത്ത വീടിന്റെ അടുക്കളയിൽ പ്ലാസ്റ്റിക് സഞ്ചിയില് സൂക്ഷിച്ച നിലയിലായിരുന്നു ബോംബുകള് കണ്ടെത്തിയത്. ഒഴിഞ്ഞ ഐസ്ക്രീം ബോള് ഉപയോഗിച്ച് നിര്മ്മിച്ചവയാണ് പിടികൂടിയ ബോംബുകള്. സ്ഥലത്ത് നിന്നും ചണ നൂലുകള്, വെടിമരുന്നിന്റെ തിരി എന്നിവയും പാനൂർ പൊലീസ് കണ്ടെത്തി.
