ഓരോ വിഷയങ്ങളും പാഠങ്ങളും പഠിക്കുമ്പോള്‍ ദൈനംദിന ജീവിതത്തിലെ ഏതെങ്കിലും വസ്തുവുമായോ പ്രവര്‍ത്തനവുമായോ അവയെ ബന്ധിപ്പിക്കാന്‍ ശ്രമിക്കുന്നത് ഓര്‍മശക്തി വര്‍ധിപ്പിക്കാന്‍ സാധിക്കും.
പ്രധാനപ്പെട്ട പാഠഭാഗങ്ങളോ, തിയറികളോ ഉള്ള പേജുകളില്‍ ഇഷ്ടപ്പെട്ട ചിത്രങ്ങള്‍ വരച്ച് വച്ച് അവ പെട്ടെന്ന് ഓര്‍ത്തെടുത്ത് പാഠഭാഗം ഓര്‍മിച്ചെടുക്കാന്‍ സാധിക്കും.എഴുതി പഠിക്കുന്നതും ഓര്‍മശക്തി വര്‍ധിപ്പിക്കും.ഓരോ ദിവസവും ക്ലാസില്‍ നിന്ന് തിരിച്ചെത്തിയശേഷം അന്ന് ക്ലാസില്‍ പഠിപ്പിച്ച കാര്യങ്ങള്‍ പരമാവധി ഓര്‍മിച്ചെടുക്കാന്‍ ശ്രമിക്കണം.ഇത് വലിയതോതിൽ മറവിയെ നേരിടാന്‍ സാധിക്കും.
കുട്ടികൾ തന്നെ അധ്യാപകരാകുക.അതായത് പാഠഭാഗങ്ങൾ സ്വയം പഠിക്കുന്നതിന് പകരം മുന്നിൽ കുട്ടികളുണ്ടെന്ന് മനസ്സിൽ വിചാരിച്ചങ്ങ് പഠിപ്പിക്കുക.പാഠഭാഗങ്ങൾ മനസ്സിൽ തങ്ങി നിൽക്കാൻ ഇതിലും മെച്ചപ്പെട്ട മറ്റൊരു മാർഗമില്ല.
കുട്ടികളുടെ പരീക്ഷാ കാലത്ത് മാതാപിതാക്കൾ പലരും ജോലിയില്‍നിന്ന് അവധിയെടുത്ത് വീട്ടില്‍ മക്കള്‍ പഠിക്കുന്നുണ്ടോ എന്നും നോക്കിയിരിക്കും. എന്നാല്‍, ഇതു പലപ്പോഴും വിപരീത ഫലമാണ് ഉണ്ടാക്കാറ്.രക്ഷിതാക്കളുടെ ടെന്‍ഷന്‍ കാണുന്നതോടെ കുട്ടികള്‍ക്ക് സമ്മര്‍ദമുണ്ടാകും.പിന്നെ പേടിയോടെയാകും പഠനം. ഫുള്‍ മാര്‍ക്ക് കിട്ടിയില്ലെങ്കില്‍, അല്ലെങ്കില്‍ തോറ്റാല്‍ എന്തുചെയ്യും എന്ന ടെന്‍ഷനിലാകും മക്കള്‍.അതിനാല്‍ വളരെ ശ്രദ്ധയോടെ കൈകാര്യം ചെയ്യേണ്ടതാണ് മക്കളുടെ പരീക്ഷ കാലം.
പരീക്ഷയെഴുതാൻ പോകുന്ന ഏതൊരു വിദ്യാർത്ഥിയിലും കണ്ടേക്കാവുന്ന ഒന്നാണ് പരീക്ഷാ പേടി എന്നത്.പരീക്ഷാ ഭീതിയും സമ്മർദ്ദവും ഒഴിവാക്കാൻ ഏറ്റവും മികച്ച മാർഗമാണ് മെഡിറ്റേഷൻ.മാനസികവും ശാരീരികവുമായ ആരോഗ്യം വർദ്ധിപ്പിക്കുന്നതിനും പരീക്ഷയ്ക്ക് മുമ്പുള്ള സമ്മർദ്ദം കുറയ്ക്കുന്നതിനും ശ്രദ്ധ നിലനിർത്തുന്നതിനുള്ള ഏറ്റവും മികച്ച ഉപാധിയായായി ധ്യാനത്തെ കാണാം.
