തിരുവനന്തപുരം:മയക്കുമരുന്ന് കേസ് പ്രതിയെ പിടികൂടാനുള്ള ശ്രമത്തിനിടെ നാല് പൊലീസുകാര്‍ക്ക് കുത്തേറ്റു.കല്ലമ്ബലം പൊലീസ് സ്റ്റേഷനിലെ ഉദ്യോഗസ്ഥരായ ശ്രീജിത്ത്,വിനോദ്, ചന്തു, ജയന്‍ എന്നിവർക്കാണ് കുത്തേറ്റത്.ഇവരില്‍ രണ്ടു പേരുടെ നില ഗുരുതരമാണ്.
മയക്കുമരുന്ന് കേസ് പ്രതിയായ അനസിനെ പിടികൂടുന്നതിനിടെയാണ് പൊലീസുകാര്‍ക്ക് കുത്തേറ്റത്.അക്രമവിവരം അറിഞ്ഞ് കൂടുതല്‍ പൊലീസുകാര്‍ എത്തിയാണ് അനസിനെ കീഴ്പ്പെടുത്തിയത്.ഇയാളെ അറസ്റ്റ് ചെയ്തു. ഇരുപതോളം കേസുകളില്‍ പ്രതിയാണ് അനസെന്നും ഇയാളെ നേരത്തെ പിടികിട്ടാപ്പുള്ളിയായി പ്രഖ്യാപിച്ചിരുന്നുവെന്നും പൊലീസ് അറിയിച്ചു.പിടികിട്ടാപ്പുള്ളികളെ അറസ്റ്റ് ചെയ്യാനുള്ള പ്രത്യേക സ്ക്വാഡില്‍ ഉള്‍പ്പെട്ട പൊലീസുകാര്‍ക്കാണ് കുത്തേറ്റത്.
