TRENDING
-
പദ്മജ പോയതിന് മുരളിയോടു പ്രതികാരം : അഡ്വ. ജയശങ്കര്‍
തൃശ്ശൂർ: പദ്മജ കോണ്‍ഗ്രസ് വിട്ടതിന്റെ പ്രതികാരമായിട്ടാണ് സഹോദരന്‍ കെ. മുരളീധരനെ വടകരയില്‍ നിന്ന് പൊടുന്നനെ തൃശ്ശൂരിലെ സ്ഥാനാര്‍ത്ഥിയാക്കിയതെന്ന് അഡ്വ.ജയശങ്കർ. വടകരയില്‍ പി. ജയരാജനെ തോല്പ്പിച്ച മുരളിയെ അവിടെ നിന്ന് മാറ്റേണ്ട യാതൊരു സാഹചര്യവും ഇല്ല. ടി. എന്‍ പ്രതാപന്‍ തൃശ്ശൂരില്‍ പ്രചാരണം നല്ല രീതിയില്‍ ആരംഭിച്ചു കഴിഞ്ഞു. പോസ്റ്റര്‍ അടിച്ചു. മതിലെഴുതി. ഇത്രയും ആയിട്ട് പുതിയ സ്ഥാനാര്‍ത്ഥിയെ കൊണ്ടുവരുന്നത് ഉചിതമല്ല. അല്ലെങ്കില്‍ മാറ്റം വരാമെന്ന് പ്രതാപനോട് നേരത്തെ പറയണമായിരുന്നു. ഇപ്പോള്‍ മുരളിയെ കൊണ്ടുവരുന്നതില്‍ അനൗചിത്യമുണ്ട്. പഴയ തൃശ്ശൂര്‍ അല്ല ഇപ്പോഴത്തേത്. ഇവിടെ മുരളിയെ കൊലയ്‌ക്ക് കൊടുക്കാന്‍ കൊണ്ടുവന്നതാണ്. പദ്മജ ബിജെപിയിലേക്ക് പോയതിന്റെ പ്രതികാരം തീര്‍ക്കാനാണിതെന്ന് ഒറ്റവാക്കില്‍ പറയാം – അഡ്വ.ജയശങ്കർ ഫേസ്ബുക്കിൽ കുറിച്ചു.
Read More » -
സ്ത്രീകൾക്കെതിരെയുള്ള എല്ലാത്തരം അതിക്രമങ്ങളും ഉടനെ തന്നെ അപരാജിത ഓൺലൈനിൽ നൽകാം
സ്ത്രീകൾക്കും പെൺകുട്ടികൾക്കുമെതിരെയുള്ള എല്ലാത്തരം അതിക്രമങ്ങളും ഉടനെ തന്നെ അപരാജിത ഓൺലൈനിൽ റിപ്പോർട്ട് ചെയ്യാം. സൈബർ അതിക്രമങ്ങൾ അറിയിക്കാനും ഈ സംവിധാനം വിനിയോഗിക്കാം. വിവരം നൽകുന്നവരുടെ പേരുവിവരങ്ങൾ പൂർണ്ണമായും രഹസ്യമായി സൂക്ഷിക്കും. വനിതാ സെൽ പോലീസ് സൂപ്രണ്ടിന്റെ കീഴിലുള്ള സംസ്ഥാനതലസെൽ നിയമനടപടികൾ സ്വീകരിച്ച് വിവരം പരാതിക്കാരെ അറിയിക്കും. വിവരങ്ങൾ ഇ മെയിൽ ആയും ഫോൺ വഴിയും അറിയിക്കാം ഇമെയിൽ – [email protected] ഫോൺ : 9497996992 #keralapolice
Read More » -
കേരള സര്‍ക്കാര്‍ സ്ഥാപനത്തില്‍ സ്ഥിര ജോലി; പത്താം ക്ലാസ്, ഐ.ടി.ഐ യോഗ്യതയുള്ളവര്‍ക്ക് അപേക്ഷിക്കാം
കേരള സര്‍ക്കാര്‍ സ്ഥാപനമായ സ്റ്റീല്‍ ആന്‍ഡ് ഇന്‍ഡസ്ട്രിയല്‍ ഫോര്‍ജിങ് ലിമിറ്റഡ് (SIFL) ല്‍ ജോലി നേടാന്‍ അവസരം. പത്താം ക്ലാസ്, ഐ.ടി.ഐ, വിവിധ ഡിഗ്രി യോഗ്യതയുള്ളവര്‍ക്കാണ് അവസരം. ആകെ 37 ഒഴിവുകളുണ്ട്. ഏപ്രില്‍ 1നകം ഓണ്‍ലൈന്‍ അപേക്ഷ നല്‍കണം. യോഗ്യരായ ഉദ്യോഗാര്‍ഥികള്‍ക്ക് കേരള സര്‍ക്കാരിന്റെ പബ്ലിക് റിക്രൂട്ട്‌മെന്റ് വെബ്‌സൈറ്റില്‍ രജിസ്റ്റര്‍ ചെയ്ത് അപേക്ഷ നല്‍കാം. എല്ലാ വിഭാഗക്കാര്‍ക്കും ഫീസില്ലാതെ അപേക്ഷിക്കാന്‍ അവസരമുണ്ട്. കൂടുതല്‍ വിവരങ്ങള്‍ക്ക് വിജ്ഞാപനം കാണുക. അപേക്ഷ: https://jobs.kpesrb.kerala.gov.in/
Read More » -
അബുദാബിയിലെ ക്ഷേത്രത്തില്‍ ഞായറാഴ്ച ദര്‍ശനം നടത്താനെത്തിയത് 65,000 ത്തോളം ഭക്തര്‍ ; ബസ് റൂട്ട് ആരംഭിച്ച്‌ യുഎഇ സര്‍ക്കാര്‍
അബുദാബി: ഫെബ്രുവരി 14 ന് പ്രധാനമന്ത്രി നരേന്ദ്രമോദി ഉദ്ഘാടനം ചെയ്ത യുഎഇയിലെ ബാപ്സ് ഹിന്ദു ക്ഷേത്രത്തില്‍ ഞായറാഴ്ച ദർശനം നടത്താനെത്തിയത് 65,000 ത്തോളം ഭക്തർ. രാവിലെ 40,000 സന്ദർശകരും വൈകുന്നേരം 25,000 സന്ദർശകരുമാണ് എത്തിയത്. ഇതോടെ വാരാന്ത്യ സന്ദർശനങ്ങള്‍ പ്രമാണിച്ച്‌ യുഎഇ സർക്കാർ അബുദാബിക്കും മന്ദിറിനും ഇടയില്‍ പുതിയ ബസ് റൂട്ടും ആരംഭിച്ചിട്ടുണ്ട്. ദുബായ്-അബുദാബി ഷെയ്ഖ് സായിദ് ഹൈവേയിൽ അൽ റഹ്ബയ്ക്ക് സമീപമുള്ള അബു മുറൈഖയിലാണ് ക്ഷേത്രം. 27 ഏക്കർ സ്ഥലത്തായി വ്യാപിച്ചു കിടക്കുന്ന ക്ഷേത്രം നിർമ്മിക്കാനായി യുഎഇ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ ആണ് ഭൂമി സൗജന്യമായി സമ്മാനിച്ചത്. 2018 ഫെബ്രുവരിയിൽ ക്ഷേത്രത്തിന്റെ തറക്കല്ലിടൽ ചടങ്ങ് നടന്നു.
Read More » -
ഐ.എസ്.എല്‍: ഷീൽഡ് സാധ്യത ഇങ്ങനെ
കൊച്ചി: ഇന്ത്യൻ സൂപ്പർ ലീഗിന്റെ പത്താമത് എഡിഷനിലെ ഷീല്‍ഡിനായി ഇഞ്ചോടിഞ്ച് പോരാട്ടം. ഏതാനും മത്സരങ്ങള്‍ ശേഷിക്കെ ആദ്യ അഞ്ചു സ്ഥാനക്കാരില്‍ ആർക്കും ഷീല്‍ഡ് ജേതാക്കളാകാനുള്ള സാധ്യതയാണ് തെളിയുന്നത്. 35 വീതം പോയന്റുമായി പ്ലേഓഫ് ഉറപ്പിച്ച ഒഡിഷ എഫ്.സിയും മുംബൈ സിറ്റി എഫ്.സിയുമാണ് പോയന്റ് പട്ടികയില്‍ മുന്നിലെങ്കിലും മൂന്നാമതുള്ള മോഹൻ ബഗാൻ സൂപ്പർ ജയന്റ്സിനാണ് കൂടുതല്‍ സാധ്യത കല്‍പിക്കപ്പെടുന്നത്. പ്രതീക്ഷ കൈവിടാതെ എഫ്.സി ഗോവയും കേരള ബ്ലാസ്റ്റേഴ്സും ഫൈനല്‍ ലാപ്പിലുണ്ട്. അതേസമയം, പ്ലേഓഫിലെ ആറാം സ്ഥാനത്തിനായി ആറു ടീമുകള്‍ ഒപ്പത്തിനൊപ്പം നീങ്ങുന്നു എന്നതും കൗതുകകരമാണ്. ബ്ലാസ്റ്റേഴ്സിനെതിരായ ജയത്തോടെ പ്ലേഓഫ് പ്രതീക്ഷ നിലനിർത്തിയ ബംഗളൂരു എഫ്.സിക്കു പുറമെ, ജാംഷഡ്പുർ എഫ്.സി, നോർത്ത് ഈസ്റ്റ് യുനൈറ്റഡ് എഫ്.സി, ഈസ്റ്റ് ബംഗാള്‍ എഫ്.സി, ചെന്നൈയിൻ എഫ്.സി, പഞ്ചാബ് എഫ്.സി എന്നിവയാണ് അവസാന ആറില്‍ കണ്ണുവെക്കുന്നത്. ഓരോ ടീമിനും ചുരുങ്ങിയത് നാലു മത്സരങ്ങളെങ്കിലും ശേഷിക്കെ, ആറു പോയന്റ് മാത്രമാണ് ആദ്യ അഞ്ചു സ്ഥാനക്കാർക്കിടയിലെ പരമാവധി വ്യത്യാസം. ശേഷിക്കുന്ന ആറു…
Read More » -
ലോകത്തിലെ ഏറ്റവും ഉയരമേറിയ അഞ്ച് ശിവ രൂപങ്ങളെ പരിചയപ്പെടാം
ആകാശത്തോളം ഉയരത്തിൽ തലയുയർത്തി നിൽക്കുന്ന പ്രതിമകൾ ലോകത്തിനെന്നും അത്ഭുതമാണ്. എൻജിനീയറിങ്ങിന്‍റെ സാധ്യതകളും നിർമ്മാണത്തിന്‍റെ വൈദഗ്ദ്യവും ചേരുന്ന ധാരാളം നിർമ്മിതകൾ നാം പരിചയപ്പെട്ടിട്ടുണ്ട്. അതിൽ ഉയരത്തിന്റെ കാര്യത്തിൽ വിസ്മയിപ്പിക്കുന്ന ഒരു കൂട്ടം ശിവപ്രതിമകളുമുണ്ട്.ഇതാ ലോകത്തിലെ ഏറ്റവും ഉയരമേറിയ അഞ്ച് ശിവ രൂപങ്ങൾ… ലോകത്തിലെ ഏറ്റവും വലിയ ശിവ പ്രതിമ രാജസ്ഥാനിലാണ് സ്ഥിതി ചെയ്യുന്നത്. രാജസ്ഥാനിലെ നാഥദ്വാര രാജ്സമന്ദിലാണ് ഈ പ്രതിമയുള്ളത്.’വിശ്വാസ് സ്വരൂപം’ എന്നറിയപ്പെടുന്നതാണ് ഈ പ്രതിമയ്ക്ക് 369 അടി ഉയരമാണുള്ളത്. ഉദയ്പൂരിൽ നിന്നും 45 കിമി അകലെയാണ് ഈ സ്ഥലം. ഉയരം കൂടിയ മറ്റൊരു ശിവ പ്രതിമ സ്ഥിതി ചെയ്യുന്നത് നേപ്പാളിലാണ്. കൈലാസനാഥ് മഹാദേവ ക്ഷേത്രത്തിലാണ് ഇത്. 144 അടിയാണ് ഉയരം കർണാടകയിലെ മുരുഡേശ്വറിൽ ഉള്ള ശിവ പ്രതിമയാണ് മറ്റൊന്ന്. ഇതിന് 123 അടി ഉയരമാണുള്ളത്. അടുത്തത് കോയമ്പത്തൂരിലെ ആദിയോഗി പ്രതിമയാണ്. ഇഷ ഫൗണ്ടേഷനാണ് പ്രതിമ നിർമ്മിച്ചത്. 112.4 അടി ഉയരമാണ് പ്രതിമക്കുള്ളത്. പ്രതിമയ്ക്ക് 24.99 മീറ്റർ വീതിയും 147 അടി നീളവും ഉണ്ട്. മറ്റൊന്ന്…
Read More » -
അഡ്രിയാൻ ലൂണ എത്തുന്നു; പ്രതീക്ഷയോടെ ആരാധകര്‍
കേരള ബ്ലാസ്റ്റേഴ്‌സ് 2023-24 സീസണ്‍ ആരംഭിച്ചതു തന്നെ പരിക്കിന്റെ അലയൊലികള്‍ കേട്ടാണ്. പരിശീലക ക്യാമ്ബിലേക്ക്, എത്തുംമുമ്ബെ, പരിക്കേറ്റ് പുറത്തായവരുടെ കഥ കൂടി ഇക്കുറി ബ്ലാസ്റ്റേഴ്സിന് പറയാനുണ്ട്. സീസണ്‍ ആരംഭിക്കുന്നതിനു മുൻപ് തന്നെ ആസ്‌ട്രേലിയൻ താരമായ ജൗഷുവ സോട്ടിരിയോ പരിക്കേറ്റു പുറത്തു പോയിരുന്നു. പുതിയ സീസണില്‍ ആദ്യമായി സ്വന്തമാക്കിയ താരമായിരുന്നു സോട്ടിരിയോ. അതിനു ശേഷം ലൂണ, ഐബാൻ ഡോഹ്ലിങ്, ക്വാമിയോ പെപ്ര, സച്ചിൻ സുരേഷ് എന്നിവരും ഗുരുതരമായ പരിക്കേറ്റു പുറത്തു പോവുകയുണ്ടായി. ഈ നിരയിലെ പ്രധാനിയായിരുന്നു അഡ്രിയാന്‍ ലൂണ. ലൂണക്കേറ്റ പരിക്കിനോളം പോന്നൊരു തിരിച്ചടി കേരള ബ്ലാസ്റ്റേഴ്സിന് വേറെയുണ്ടായിട്ടില്ല. ടീമന്റെ ചരിത്രത്തിലെ തന്നെ ഏറ്റവും വലിയ തിരിച്ചടികളിലൊന്നായി ലൂണയുടെ പരിക്കിനെ വിശേഷിപ്പിക്കുന്നവരും കുറവല്ല. കാരണം അത്രത്തോളം ഇംപാക്‌ട് സൃഷ്ടിക്കാന്‍ താരത്തിനായിരുന്നു. ലുണ ഇല്ലാത്ത മത്സരങ്ങള്‍ വേറിട്ട് അറിയാനും കഴിഞ്ഞു. അദ്ദേഹത്തിന് പകരമാകാൻ ഇതുവരെ മറ്റൊരു താരത്തിനുമായിട്ടില്ല. ലൂണ പുറത്ത് പോയതിന് ശേഷം അദ്ദേഹത്തിന്റെ തിരിച്ചുവരവിനായി നോമ്ബ് നോറ്റ് കാത്തിരിക്കുകയാണ് ആരാധകര്‍. താരത്തിന്റെ…
Read More » -
ശിവരാത്രി ദിവസത്തെ ആഘോഷം കോയമ്പത്തൂരിലെ ഇഷയിൽ ആയാലോ ?
കോയമ്ബത്തൂരിലെ വെള്ളിയാങ്കിരി പർവ്വത നിരകളുടെ താഴ്വാരത്ത് 150 ഏക്കറിലേറെ പരന്നുകിടക്കുന്ന ഇഷാ യോഗ സെൻ്ററിലേക്ക് ജീവിതത്തിൽ ഒരിക്കലെങ്കിലും യാത്ര പോകണം. ഇഷ ഫൗണ്ടേഷന്‍ നിര്‍മ്മിച്ച 112 അടി പൊക്കമുള്ള ശിവൻ്റെ അർധകായ പ്രതിമയാണ് ഇവിടുത്തെ പ്രധാന ആകർഷണം. യോഗയുടെ യഥാർത്ഥ ആചാര്യൻ, അതായതു ആദ്യമായി യോഗയെക്കുറിച്ചുള്ള ബോധം മനുഷ്യനിൽ ജനിപ്പിച്ചത് ശിവനെന്നാണ് സങ്കൽപം.കോയമ്പത്തൂരിൽനിന്ന്‌ ഏകദേശം 40 കി.മീ. ദൂരെ വെള്ളിയാങ്കിരി താഴ്‌വാരത്തിലാണ്‌ ഇഷ യോഗ സെന്റർ. 1994-ൽ സദ്‌ഗുരു ജഗ്ഗി വാസുദേവ്‌ സ്ഥാപിച്ച ആശ്രമമാണിത്‌. 112 അടി ഉയരത്തിലുള്ള 500 ടൺ ഭാരമുള്ള ‘ ആദ്യ യോഗി ‘ എന്നർഥം വരുന്ന ആദിയോഗി പ്രതിമയെ കാണാൻ വിദേശികളടക്കം നിരവധി പേരാണ് എത്തുന്നത്. യോഗയുടെ അനന്ത സാദ്ധ്യതകൾ ലോകത്തിന്റെ മുൻപിൽ തുറന്നു കാട്ടുകയാണ് ഇഷ ഫൗണ്ടേഷന്റെ ലക്ഷ്യം. മനുഷ്യശരീരത്തിൽ 112 ചക്രങ്ങൾ ഉണ്ട് എന്ന് ശിവൻ പഠിപ്പിച്ച വിശ്വാസ പ്രകാരമാണ് ശിവന്റെ ഈ പ്രതിമയ്ക്ക് 112 അടി ഉയരം കൊടുക്കാൻ കാരണം. ഇഷാ…
Read More » -
ഈ വനിതാ ദിനത്തിൽ നിങ്ങളുടെ പ്രിയപ്പെട്ടവർക്ക് എന്ത് സമ്മാനമായി നൽകും?
ഇന്ന് ലോക വനിതാദിനം.തളർച്ചയിലും പ്രതിസന്ധിയിലും വീഴാതെ മുന്നേറുന്ന ഓരോ സ്ത്രീകളെയും ആദരിക്കുന്ന ദിവസമാണ് അന്താരാഷ്ട്ര വനിതാ ദിനം. എന്നും ഓര്‍മ്മിക്കപ്പെടുന്ന സമ്മാനങ്ങള്‍ അവര്‍ക്ക് നല്‍കി ഈ ദിനം നമുക്ക് ആഘോഷമാക്കാം.ഈ വനിതാ ദിനത്തില്‍ നിങ്ങളുടെ പ്രിയപ്പെട്ട സ്ത്രീകള്‍ക്ക് വാങ്ങി നൽകാൻ പറ്റിയ സമ്മാനങ്ങൾ എന്തൊക്കെയാണ്? അമ്മ, സഹോദരി, കാമുകി, ഭാര്യ, മകൾ… തുടങ്ങി നിങ്ങളുടെ ജീവിതത്തില്‍ നിര്‍ണായക സ്വാധീനം ചെലുത്തുന്ന സ്ത്രീകള്‍ക്ക് സമ്മാനിക്കാന്‍ പറ്റിയ ഒന്നാണ് മേക്കപ്പ് ഉല്‍പ്പന്നങ്ങള്‍. ലിപ്സ്റ്റിക്, ഐ മേക്കപ്പ് പാലറ്റ്, അവര്‍ക്കിഷ്ടപ്പെട്ട മേക്കപ്പ് ബ്രാന്‍ഡുകളിൽ നിന്നുള്ള ഉത്പന്നങ്ങൾ എന്നിവ സമ്മാനിച്ച് അവരെ ഈ ദിവസം സന്തോഷിപ്പിക്കാം. സ്ത്രീകള്‍ ഏറ്റവും കൂടുതല്‍ ഉപയോഗിക്കുന്ന വസ്തുവാണ് ഷോള്‍ഡര്‍ ബാഗ്. ഈ വനിതാ ദിനത്തില്‍ അത്തരം ബാഗുകളും അവര്‍ക്ക് സമ്മാനിക്കാവുന്നതാണ്. ജിം ബാഗും ഇന്ന് സ്ത്രീകള്‍ ധാരാളമായി ഉപയോഗിക്കാറുണ്ട്. അതിനാല്‍ ഇവ രണ്ടും അവര്‍ക്ക് സമ്മാനിക്കാം. വായന ഇഷ്ടപ്പെടുന്ന സ്ത്രീകള്‍ക്ക് ഈ ദിവസം നല്‍കാന്‍ പറ്റിയ സമ്മാനമാണ് പുസ്തകങ്ങള്‍. അവര്‍ക്ക് ഇഷ്ടപ്പെട്ട വിഭാഗങ്ങളില്‍…
Read More » -
പത്മജയുടെ ബിജെപി പ്രവേശനം; സോഷ്യൽ മീഡിയയിൽ ട്രോൾമഴ!
പാലക്കാട്: പത്മജയുടെ ബിജെപി പ്രവേശനത്തിൽ സോഷ്യൽ മീഡിയയിൽ ട്രോളോട് ട്രോൾ. ലോക്സഭാ തിരഞ്ഞെടുപ്പിന്റെ ചുവരെഴുത്തിൽ നമ്മുടെ സ്ഥാനാർത്ഥി ബിജെപിയിൽ പോയെന്നും,അല്ല, ബാക്കി “മാരാർജി ഭവനിൽ” നിന്ന് അറിയിപ്പ് കിട്ടിയതിന് ശേഷം പൂരിപ്പിക്കുന്നതായിരിക്കുമെന്നും ഉൾപ്പെടെയുള്ള ട്രോളുകളാണ് പ്രചരിപ്പിക്കുന്നത്. ഡല്‍ഹിയിലെ ബിജെപി ആസ്ഥാനത്തെത്തി ഇന്നലെയാണ് പത്മജ അംഗത്വം സ്വീകരിച്ചത്.ബിജെപി ദേശീയ അദ്ധ്യക്ഷന്‍ ജെ പി നദ്ദ അടക്കമുള്ള നേതാക്കളുമായി കഴിഞ്ഞ ദിവസം ഡല്‍ഹിയില്‍ നടത്തിയ ചര്‍ച്ചയ്ക്ക് ശേഷമാണ് പാര്‍ട്ടി അംഗത്വമെടുക്കാന്‍ പത്മജ വേണുഗോപാല്‍ തീരുമാനിച്ചത്. പത്മജയ്ക്ക് കേരളത്തില്‍ ഗവർണർ സ്ഥാനം ബിജെപി നേതൃത്വം വാഗ്ദാനം ചെയ്തതായാണ് റിപ്പോർട്ട്.
Read More »