ആലക്കോട്: ജീപ്പ് നിയന്ത്രണം വിട്ട് മറിഞ്ഞ് ഡ്രൈവര്‍ മരിച്ചു. ശനിയാഴ്ച രാവിലെ 10.15 ന് വെള്ളാട്
പാറ്റാക്കളത്താണ് അപകടം.ജീപ്പ് ഡ്രൈവര്‍ മൈലംപെട്ടിയിലെ കോരനാണ്(78) മരിച്ചത്.
മറ്റ് മൂന്ന് പേർക്ക് പരിക്കേൽക്കുകയും ചെയ്തു.യാത്രക്കാരായ മൈലം പെട്ടിയിലെ കേളപ്പന്‍ (55), ആയിച്ചന്‍ (80), വിനീത (30) എന്നിവര്‍ക്കാണ് പരിക്കേറ്റത്.
പരിക്കേറ്റവരെ ഉടന്‍ ആശുപത്രിയില്‍ പ്രവേശിപ്പിച്ചു. മൈലംപെട്ടിയില്‍ നിന്ന് കരുവഞ്ചാലിലേക്ക് വരികയായിരുന്ന ജീപ്പ് നിയന്ത്രണം വിട്ട് സമീപത്തെ കൃഷിയിടത്തിലേക്ക് തലകീഴായി പതിക്കുകയായിരുന്നു.
വാഹനത്തിനടിയില്‍ കുടുങ്ങിപ്പോയവരെ നാട്ടുകാരും പൊലീസും ചേര്‍ന്നാണ് പുറത്തെടുത്തത്.
