പൂനെ:മഹാരാഷ്ട്രയിലെ റായ്ഗഡില്‍ ബസ് കൊക്കയിലേക്ക് മറിഞ്ഞ് 12 പേര്‍ മരിച്ചു. 27 പേര്‍ക്ക് പരുക്കേറ്റു.മുംബൈ- പുണെ ഹൈവേയിൽ പുലര്‍ച്ചെയാണ് അപകടമുണ്ടായത്.
മുംബൈയിലെ ഗൊറിഗാവിൽ നിന്നുള്ള സംഘം സഞ്ചരിച്ച സ്വകാര്യ ബസാണ് അപകടത്തില്‍ പെട്ടത്.പുലര്‍ച്ചെ 4.50ഓടെ ഷിന്‍ഗ്രോബ ക്ഷേത്രത്തിന് സമീപമായിരുന്നു അപകടം.
മുംബൈയിലെ സിയോന്‍, ഗൊറിഗാവ്, പല്‍ഘാഡ് ജില്ലയിലെ വിരാര്‍ എന്നിവിടങ്ങളില്‍ നിന്നുള്ളവരാണ് മരിച്ചവരും പരുക്കേറ്റവരും. പരുക്കേറ്റവരെ ഖോപോലി റൂറല്‍ ആശുപത്രിയില്‍ പ്രവേശിപ്പിച്ചു.
