സർക്കാർ പ്രഖ്യാപിച്ച ഇൻ്റ
ഗ്രേറ്റഡ് റൈസ് ടെക്നോളജി പാർക്കിൻ്റെ നിർമ്മാണം അതിവേഗം പാലക്കാട്ട് പുരോഗമിക്കുന്നു.കിൻഫ്ര മെഗാ ഫുഡ് പാർക്കിന്റെ 5 ഏക്കർ ഭൂമിയിൽ ആരംഭിക്കുന്ന സ്ഥാപനം ഈ വർഷം തന്നെ ഉദ്ഘാടനം ചെയ്യാൻ സാധിക്കുമെന്നാണ് പ്രതീക്ഷിക്കുന്നത്.
40 കോടിയോളം രൂപ ചിലവ് വരുന്നതാണ് പദ്ധതി.നിലവിൽ അഡ്മിനിസ്ട്രേറ്റിവ് ബ്ലോക്കിൻ്റെ നിർമ്മാണം പൂർത്തീകരണഘട്ടത്തിലാണ്.ഓവർ ഹെഡ് ടാങ്ക്, ഭൂഗർഭ ടാങ്കുകൾ, ഫാക്ടറി കെട്ടിടം, പാഴ്ജല സംസ്കരണി എന്നിവയുടെ നിർമ്മാണവും പുരോഗമിക്കുകയാണ്. ഉപകരണങ്ങൾക്കുള്ള ടെണ്ടർ നടപടികളും പൂർത്തിയായി.2023 സെപ്റ്റംബര്‍ മാസത്തോടെ പ്രവത്തനം ആരംഭിക്കാൻ സാധിക്കുമെന്നാണ് കരുതുന്നത്.
