ദില്ലി: ദില്ലിയിലെ ഇസ്രായേല്‍ എംബസിയിൽ ബോംബ് ഭീഷണി. എംബസിക്ക് സമീപത്ത് പൊട്ടിത്തെറിയുണ്ടായതായി വൈകിട്ട് ആറ് മണിയോടെ ഫയർഫോഴ്സിന് ഫോൺ സന്ദേശം ലഭിച്ചു. ഫോറൻസിക് സംഘവും ബോംബ് സ്ക്വാഡും പൊലീസ് സംഘവും എംബസിക്ക് സമീപം പരിശോധന നടത്തുകയാണ്. കനത്ത ജാഗ്രതയിലാണ് എംബസി.
എംബസിക്ക് മീറ്ററുകൾ അകലെ നിന്നും വലിയ പൊട്ടിത്തെറി ശബ്ദം കേട്ടുവെന്നും പുക ഉയര്‍ന്നുവെന്നും സുരക്ഷാ ജീവനക്കാരൻ തേജവ് ഛേത്രിയും പ്രതികരിച്ചു. പോലീസിനോട് കാര്യങ്ങൾ വിശദീകരിച്ചിട്ടുണെന്നും തേജവ് വ്യക്തമാക്കി. എന്നാൽ പൊട്ടിത്തെറിയുണ്ടായോ എന്ന് അധികൃത‍ര്‍ സ്ഥിരീകരിച്ചിട്ടില്ല.
