കാസര്‍കോട്: ജില്ലയിലെ രണ്ടു സ്ഥലങ്ങളില്‍ എക്സൈസ് സംഘത്തിന്റെ വ്യാജമദ്യവേട്ട.113 ലിറ്റര്‍ അനധികൃത മദ്യവും കാറും സ്കൂട്ടറും പിടിച്ചെടുത്തു.സംഭവത്തിൽ രണ്ടു പേരെ അറസ്റ്റുചെയ്തു.
കാസര്‍കോട് എക്സൈസ് സര്‍ക്കിള്‍ ഇൻസ്‌പെക്ടര്‍ ജി.എ ശങ്കറും പാര്‍ട്ടിയും മഞ്ചേശ്വരം ഹൊസങ്കടി വച്ചാണ് കെ.എല്‍ 60 ജി 3258 നമ്ബര്‍ ആള്‍ട്ടോ കാറില്‍ അനധികൃതമായി കടത്തുകയായിരുന്ന 86.4 ലിറ്റര്‍ കര്‍ണാടക മദ്യം പിടികൂടിയത്. മംഗല്‍പ്പാടി വില്ലേജില്‍ ഷിറിയ സ്വദേശി രജിൻ കുമാറിനെ (26) അറസ്റ്റു ചെയ്തു.
മറ്റൊരു സംഭവത്തിൽ ഉദുമ കോതറമ്ബത്ത് വച്ച്‌ കെ.എല്‍ 60 എൻ 3842 നമ്ബര്‍ സ്കൂട്ടറില്‍ കടത്തുകയായിരുന്ന 20 ലിറ്റര്‍ കേരള മദ്യവും 6.5 ലിറ്റര്‍ ബിയറും പിടികൂടി. കോതറമ്ബത്ത് സ്വദേശി കെ. അനീഷിനെയാണ് തൊണ്ടിമുതല്‍ സഹിതം പിടികൂടിയത്.
